目前分類:2018東京遊 (18)

瀏覽方式: 標題列表 簡短摘要

IMG_6044.JPG

一早出發,先往華巖瀑布,途經著名的日本車道百選之一的日光いろは坂 (日本特別多呢類排名,其實唔使咁認真),比車手過下癮。車道分第一和第二いろは坂兩段,一進一出。原本第一站係日光明智平展望台,坐纜車上展望台可以一覽華巖瀑布全景。瀑布好特別,係中禪寺湖底因爲壓力而破出一個缺口,水從缺口向下流,形成瀑布,所以一定要往展望台睇全景至有意思,可惜當日居然遇到纜車維修!殘念!!唯有直接開車往華巖瀑布,但已經唔係嗰回事,若無左個湖,只看瀑布,就係一條普通的瀑布。之後再往東照宮,由於團友們興趣不大,想去宇都宮shopping,所以東照宮無入、神橋都無去,只匆匆在東照宮外圍逛一下就離開。之後往宇都宮行街晚飯。翌日去完outlet 就坐飛機回香港,九天旅程結束。

Hearoom 發表在 痞客邦 留言(0) 人氣()

IMG_5868.JPG

(酒店外貌帶點古典西洋氣息)

 

Hearoom 發表在 痞客邦 留言(0) 人氣()

IMG_5797.JPG

計劃行程時考慮到其中一位團友喜歡漫畫「頭文字D」,漫畫中的其中一個重要塲景就係呢條通往榛名湖的車道,不過可能太多人飈車,所以彎位都有晒speed pump,防止意外,但總算感受過。到達榛名湖畔,冬去春未來,湖面仍有結冰,山上樹枝光禿禿,遊人疏落,冷冷清清,不過正好比機會駕駛員肆意地玩航拍,大滿足。之後坐纜車上山,四圍行下就開車去下一站 :日光。

 

Hearoom 發表在 痞客邦 留言(0) 人氣()

IMG_0778.JPG

伊香保温泉歷史悠久,係日本首批規劃的温泉觀光區,我係被佢個石段階吸引來。不過可能發展停滯,相比草津溫泉的熱鬧,伊香保温泉鄉就失色不少,簡直有點落索的感覺。温泉鄉的特色係温泉大街係一條長石階,店鋪在石階兩邊,當日其實遊客不少,可惜店鋪大部份關門,有營業的店鋪都頗殘舊,好多都係舊式攤位遊戲,就似時光倒流。行到石段盡頭,穿過寺廟往温泉公園,沿途店鋪破落,温泉公園更加似已經荒廢,不去也罷,唯有早點返旅館泡湯。伊鄉保温泉鄉可以算係我去過咁多個温泉鄉中最無意思的一個,整個温泉區似日久失修,光輝不再的感覺。

 

Hearoom 發表在 痞客邦 留言(0) 人氣()

IMG_8357.JPG

(旅館就在伊香保温泉入口,望落有點規模)

 

Hearoom 發表在 痞客邦 留言(0) 人氣()

IMG_7958.JPG

 

離開草津溫泉後出發往伊香保温泉。去今次行程重點之一的清水屋食烏冬。日本有三大烏冬,分別係秋田県的稻庭餛飩、香川県的贊岐烏冬同群馬県的水澤烏冬。稻庭同贊岐食得多,水澤烏冬就第一次食,當然要選已經有400年歷史的元祖的清水屋,烏冬全部自家製,只提供冷烏冬,配上麻醬汁食,烏冬彈牙有咬口,介乎於稻庭的滑及贊岐的彈牙,可能先入為主,麵質無稻庭及贊岐般突出,不過作為一個烏冬迷,總要完成心願試齊佢。餐後往水澤觀世音行一圈就往伊香保温泉出發了。

Hearoom 發表在 痞客邦 留言(0) 人氣()

IMG_7413.JPG

 

由於團友們對温泉酒店要求唔高,所以只訂普通旅館及館內最普通的房間。小小的旅館,服務不俗,基本設施都有齊,晚餐一般,普普通通的一間舒適旅館,價錢合理,位置在草津温泉的中心,步行五分鐘就到湯畑。不過對於我呢個温泉控來講,經過今次的經驗,下次我會選擇素泊,因為草津温泉同城崎温泉一樣,係發展成熟的温泉區,有好多湯屋同餐廳,若非要求高,只租房間,到時著住浴衣再去不同的湯屋泡湯更開心。

Hearoom 發表在 痞客邦 留言(0) 人氣()

IMG_7234.JPG

 

小布施係位於長野県內的一個小鎮,又名粟子之鄉,亦係浮世繪大師葛飾北齋曾經停留作畫之地,我對浮世繪全無興趣,當然只著眼於粟子。心目中係來逛小店,散步,食甜品,可惜又係來得不是時候,街上冷冷清清,我一度以為去錯地方,同清里一樣,似乎冬季係不適宜來遊覽。我又一次覺得冬季日本的鄉郊只適宜滑雪及温泉。(其實都有好多人會安排去附近睇猿猴浸温泉後再來逛街)

Hearoom 發表在 痞客邦 留言(0) 人氣()

IMG_6952.JPG

 

(旅館外貌,旅館分新館同舊館,遊客入住新館,舊館用來搞活動,亦較殘舊)

Hearoom 發表在 痞客邦 留言(0) 人氣()

IMG_6651.JPG

 

清里位於高原,冬天滑雪,夏天可以探索大自然,係渡假的好地方。可惜我來得不是時候,我初春來到,仍然係雪季,真係只有滑雪。好多店鋪都唔開,冷冷清清的,大煞風景。但我相信除左冬天,其他季節來會好得多,因為清里環境舒服,似一個外國小鎮,充滿童趣,我下一個景點係温泉鄉,去完小鎮再去温泉鄉,感覺截然不同,可以為旅程帶來點變化。

Hearoom 發表在 痞客邦 留言(0) 人氣()

IMG_4980.JPG

 

(餐廳好好生意,一條街上有幾個鋪位)

Hearoom 發表在 痞客邦 留言(0) 人氣()

 

IMG_4962.JPG

 

Hearoom 發表在 痞客邦 留言(0) 人氣()

IMG_6227.JPG

 

日本有47個県,每個県都出產不同食材,有不同職人生產不同物品,各県均有特式,但要去齊全國,談何容易?若果想走馬看花,不妨來まるごとにっぽん逛逛。店內有好多日本資訊,各地的工藝品及食品,我好喜歡行,加上在我下榻的酒店Richmond Hotel Premier Asakusa International樓下,好方便。

Hearoom 發表在 痞客邦 留言(0) 人氣()

IMG_6183.JPG

 

對於我,遊一個城市最好的方法就係漫步,選一個有興趣的地方,再喺當中的橫街小巷慢慢逛,感受當地人的生活節奏,好有趣味。神樂坂屬於東京的舊區,其實係地鐵神樂坂站同飯田橋站中間的一條街,為當地居民的購物街,店鋪以日常生活所需為主,屬於一個小區,遊客唔太多,一個好適合散步的地方。

文章標籤

Hearoom 發表在 痞客邦 留言(0) 人氣()

IMG_4743.JPG

好多人話食壽司要去日本食至係正宗同好食,但唔知係我黑仔定唔識揀,作為一芥草民,名店固然訂唔到,就算亂咁揾,喺tabelog3.5分或4分以上的,試過都係唔得,今次由中環一宝的師傅介紹來,有多年歷史的銀座寿司幸本店,食完都係覺得好普通。等我仲好緊張地一早訂定位,其實午市根本無人。點個omakase ,全程快過食快餐,師傅好似趕時間咁,全個餐11件壽司加個湯,半小時內搞掂。食材基本無花巧,不過處理上係有心思的。平日我唔多喜歡的熟蝦,呢度用花竹蝦,好甜好彈牙。另一件香菇壽司都好味,睇佢個樣乾乾地,原來咬落juicy 又清香。其實係有功駕,不過對於滿有期望的我來講,今餐整體係有點失望,可能我唔識點菜。

 

Hearoom 發表在 痞客邦 留言(0) 人氣()

IMG_6098.JPG

 

日本早餐的選擇唔多,唔似香港,周街都係茶餐廳,好多食店都要11點至開,西式早餐只提供多士及咖啡。所以我一早已選定呢間eggcellent早上8已開店,啱哂我呢類晨型人。以雞蛋做主角的餐廳,室內裝飾都以蛋為主,蛋踪處處。餐廳用料標榜用在地食材,感覺良好,早上靜靜的享受一個美味早餐。不過10點左右已開始人多,而且好多都同我一樣係遊客。

Hearoom 發表在 痞客邦 留言(0) 人氣()

IMG_4666.JPG

(門口的布幕睇得出餐廳有點歷史)

 

Hearoom 發表在 痞客邦 留言(0) 人氣()

  

 

Hearoom 發表在 痞客邦 留言(0) 人氣()