一套有關丹麥著名餐廳NOMA名廚Rene 的記錄片。一般米芝連廚師戲的真人版 : 起初為自己的信念而開餐廳,中間渡過重重難關,有朝一日無端被食家竉幸,成為知名餐廳,世界從此不一樣,之後為星星努力,為保星星為保第一,活在壓力下。導演追隨Rene 兩年間所拍下的故事,恰巧係餐廳遭遇挫折的一年,餐廳於2010至12年連續3年奪得全球Top 50的第一餐廳,可惜2013年餐廳因食物中毒事件䧟於低潮,經過努力再奪回寶坐。當中亦有講述Rene的童年,家庭,以及一路上遇到的高低潮。就係一般成功人物的傳記,但呢套唔算吸引。
全片感受最深的係片中廚師為星星努力,畢竟星星係一種肯定,攞左一星要二星,二星後要三星,三星後要年年三星,結果長期活在壓力下。但就如戲中主廚所講 : 呢個世界跟本就無最佳餐廳,因為口味係因人而異,個選舉活動就似每年由800人去選一隻最美麗的顏色,跟本無意思,但主廚仍因失去寶座而沮喪,為重奪寶座而狂喜,呢d可能就係當局者迷吧。


借題發揮 : 
其實NOMA餐廳出品好唔好食我當然無緣欣賞,皆因呢類知名餐廳唔係一般平民百性可以訂到位,何況係喺哥本哈根呀!但從以前睇雜誌報導的相到今次睇片,我都只覺得係食草,一盤好靚的草,真係唔識欣賞。(葡萄言論)

而家好多所謂新派高級餐廳的菜色都似實驗室製品,又打針又煙霧,每樣的的式式,一粒一粒似積木,之後就放在個靚碟砌出來,睇個菜單一道菜隨時有十幾廿樣嘢,再加個勁複雜的sauce,侍應上菜都有排解釋。初初食覺得好靚好勁,但食多幾次就覺得好造作,因為有好多都唔係特別好食,搞一大餐我都唔知食左咩落肚。(我呢類人通常被列為唔識食或草根)

至於每年的香港星星餐廳名單對某些餐廳可能係悪夢的開始,正所謂人怕出名豬怕肥,好多時因爲被得獎,d人一窩風地去幫襯,結果負擔不起更令質素倒退。自己覺得近年的星星餐廳已淪為公關活動,似賣廣告多點,對於追星我就無興趣了,不過張名單都有參考作用 : 就係出爐後名單上的餐廳唔好幫襯住。


    全站熱搜

    Hearoom 發表在 痞客邦 留言(0) 人氣()