Foodie 生活雜誌

8/2020光顧

餐廳喺錦屏街盡頭，我對佢一見鍾情，決定點都要幫襯。室內佈置帶有西洋懷舊氣息，好精緻，可惜「因為疫情關係」間哂板，失色不少，要打咭要就下角度了。一早來到諗住食早餐，點知星期日早上只得咖啡及甜品供應，lunch要12:00至有。一塲來到，點都飲杯咖啡至走，點知坐坐下坐到午餐時間，食埋至走，結果飲左兩杯咖啡，之後又再來食早餐。食物飲品及環境都不俗的餐廳，可以一試。

8/2020光顧

8/2020光顧

兩夫妻經營家庭式小店，供應一般西餐，賣點係不加味精，做得幾有心機，味道唔錯，小清新擺盤。雖然未去到特登去試的級別。但總係想支持下呢糕有心小店，記得要訂位。疫情期間，小店仲有好多食物包出售，住喺附近的朋友不妨一試。

8/2020光顧

8/2020光顧

朋友喜歡食飽魚，見到報紙介紹呢間西洋鮑，一於試下。餐廳喺K11 MUSEA 地庫，細細間，座位係矮枱矮櫈食tea格局，唔係正式餐廳。可能「因為疫情關係」點個二百幾銀的套餐居然有個價值$190的冰鎮鮑魚送。菜式賣相及味道不俗，主打的南非鮑魚雖然細細隻，但厚身有鮑魚味，一分錢一分貨，算係咁。菜式碟頭細，細食的女子應該ok，但我係幹粗活的，一個人食哂圖中所有食物至夠飽。好似我今次兩個人食，食完過去GC再買麵包至夠。

8/2020光顧

8/2020光顧

6/2020光顧

又係雞湯米線。店方毫不吝嗇。湯味濃郁，雞件大大件，酸菜多，成碗抵死夾大件，但食完幾口渴，唔多啱我。不過喜歡濃味的朋友可以試下，其實係幾好味，只係唔喜歡食後口渴的感覺。餐廳長沙灣都有分店，無晚市，5點關門，

7/2020 光顧

7/2020 光顧

新派點心，味道較重，但唔算口渴，可以接受。點心精緻，不過好快上枱，唔係即點即蒸。餐具有點殘舊，餐廳係去年12月開張，唔明點解咁快咁殘舊。整體麻麻，試過就算。