8/2020光顧
多年前朋友帶過我嚟,印象良好,一直想再嚟,估唔到要咁耐之後至實現到,只怪坊間餐廳選擇太多了。餐廳跟之前裝修一模一樣,高雅時尚好合我心意,食物仍保持水準,用餐的好地方。
set lunch 可選二或三道菜,有素食set 同普通set,兩個set 的菜可互換,幾有彈性,我選普通set。先來sourdough 配希臘乳酪,橄欖油。侍應會主動問要唔要牛油,幾好。
頭盤 挖空青瓜釀入tuna tartar,上面鋪上飛魚子,幾清新,好啱夏天食。不過若飛魚子改為三文魚子會更好。講完後朋友斜啤左我一眼,意即話我要求多多。
main course 煎豬扒,豬扒下面墊住用薯仔、番茄、青椒,紅甜椒煮成的燉菜。用豬里肌肉,肉質柔軟,最喜歡條油脂邊,食落更juicy。茄汁燉菜調味輕手,無負擔。
甜品 杏子撻配榛子雪糕,香而不膩。
整個餐食完已好飽,原來仲有朱古力盤,分牛奶朱古力同黑朱古力,中間一塊係糖霜酥皮
朋友的卡扒千奴,見個泡好靚,忍唔住影
我照舊飲肥威,味濃郁,我鍾意隻杯
原來朱古力可以打包,早知唔好食咁多
餐廳喺PP旁的upper house酒店奕居內,有點難揾
酒店感覺憩靜,係我喜歡的氛圍。餐廳在49樓,要行過一道短橋,帶點心靈淨化感,晚上會點上爉燭,好有氣氛
大廳,地方唔大,內裡仲有一個廳。
仲有幾個booth,當日我嫌大廳太嘈,侍應小姐好好,安排我坐呢度,舒服得多。
餐廳喺49樓,居高臨下,景觀不俗
全站熱搜
留言列表