8/2020光顧
朋友喜歡食飽魚,見到報紙介紹呢間西洋鮑,一於試下。餐廳喺K11 MUSEA 地庫,細細間,座位係矮枱矮櫈食tea格局,唔係正式餐廳。可能「因為疫情關係」點個二百幾銀的套餐居然有個價值$190的冰鎮鮑魚送。菜式賣相及味道不俗,主打的南非鮑魚雖然細細隻,但厚身有鮑魚味,一分錢一分貨,算係咁。菜式碟頭細,細食的女子應該ok,但我係幹粗活的,一個人食哂圖中所有食物至夠飽。好似我今次兩個人食,食完過去GC再買麵包至夠。
選Delux Value set 送的慢煮冰鎮鮑魚,已切片,幾精緻,唔加醬好食d,加左wasabi反而蓋哂鮑魚味
慢煮鮑魚天使麵 麵上加左炸蒜,好香口,加埋鮑魚,有點中式撈麵的感覺
鮑魚龍蝦伴龍蝦湯飯 雖然份量細但好足料,飯內有菇有蔬菜,龍蝦湯唔會太濃,唔錯
咖啡就算了,無乜味
店舖分兩邊,一邊餐廳,一邊零售。可能「因為疫情關係」無生意,我去到時見個廚出左嚟鋪面打手機,經理睇緊laptop 處理事務,文件攤滿枱面,以為去左茶餐廳,跟高貴的鋪面格格不入。又可能因為人手唔夠,我點杯咖啡都要等位員工去完洗手間至飲到。餐廳部分,用大師Monet的畫間開,幾靚
把刀係咪專用來切鮑魚?
有堂食亦有外賣,煮好哂的鮑魚抽真空,喺屋企一打開加熱就食得,心諗有無人咁富貴買呢d禮盒?不過若我收到呢個禮物都會幾開心,大前提係要無關痛癢的人送至好,否則我會好心痛d錢。
除左鮑魚,仲有魚子醬,富貴輕食menu
全站熱搜
留言列表