Afternoon Tea@尖沙咀 @ Foodie 生活雜誌

8/2020光顧

日本好多分店，開左好耐的餐廳，去日本唔會食，因為有太多更好的選擇。香港店開幕時都係人龍店，今次經過見無人排隊就試下。同想像中一樣，一般日本洋食，唔會好好食但又唔會難食，不過K11 Musea有好多選擇，若再選多次，我會選其他餐廳。

套餐跟沙律

白汁燉雞飯 擺碟感覺有點亂，飯、薯餅、沙律、放埋一齊，白汁似潑墨，似食自助餐自己砌咁。雞肉入味，飯帶牛油香。

季節限定明太子汁魷魚圈 pasta，味淡。

加$38有甜品，侍應話可以喺menu最後一頁的甜品內任選一款，我見原本$98的甜品加$38就食到咁筍，當然咪走雞，問左兩次追加甜品係咪同餐牌上單點的一模一樣，侍應話係，所以我至點，結果係迷你版，我其實係有點嬲，不過「因為疫情關係」，無謂令員工難做，照食算了。食日本芭菲好開心，一層層不同食物，sorbet，脆脆，奶凍，berry sauce，好豐富。