Foodie 生活雜誌

拉麵！又係拉麵！我真係未試過一個日本之旅食咁多次拉麵！話說去完女生迪迪尼後已經天黑，一路上都揾唔到啱心水的食店（主要係我的問題），番到福崗都未有定案，我唔可能要少爺仔陪我再四圍行，唯有投降又食拉麵，點知有意外驚喜。拉麵店在小街商厦的巷仔內，一不留神就會行過，拉麵以辣湯出名，全部湯底都帶辣，你可以自己揀辣度，基本上1至5度都唔辣。我點沾麵，麵條夠粗夠彈牙，掛湯度一流。特別要提隻雞皮餃子，以雞皮代替餃子皮，炸得香口但唔覺肥膩，內裡係雞肉同香葱，好好味，可惜好快賣哂，想點多碟都無。一間幾好味的拉麵店，團友們點名要我寫，當然要做嘢。

小插曲 ： 原本我係無食呢餐，安頓團友後自己死心不息再去揾食，因為我接受唔到食第三餐拉麵！可惜結果都無心水，諗住番轉頭提下團友們食完點行番酒店先再繼續揾，點知佢地食完個個讚好食，喺攰到死的情況下再等埋我食完，所以話，有時要講食緣之外，更加要配合好團友。我兩樣都有，何其幸運。

我個湯唔係好辣，因為我唔嗜辣

雞翼餃子

師傅特別為少爺仔整的走辣拉麵

有興趣的來挑戰吧

拉麵店入口隱閉，無個易拉架根本唔會知，地方簡單只可坐10人左右

つけ麺 ばくだん屋博多大名店

地址 : 福岡縣福岡市中央區大名1丁目14-5-1F