7/2022光顧
川菜本身已經唔容易揾到朋友同食，下下大大碟更加難揾到咁多人，行過經過見到呢間街坊小店，感覺唔錯，約朋友兩條友試下。食物雖然口味油膩濃厚，但味道唔錯，如店名一樣，香辣鮮齊備，加杯啤酒，食得暢快。餐廳全女班，連大廚都係女將，唯一男丁係老闆個仔😆
蒜泥白肉
鋪上滿滿的蒜茸及醬油，不過長長一大塊，肥肉多，第一塊幾好食，但食第二塊已覺得膩。
一品乾鍋
有八種配料 ： 午餐肉、蝦、尤魚、菜花、腩肉、四季豆，土豆、洋蔥。名乎其實的一品鍋，加入辣椒粉炒焗，好香，腩肉肥厚，最好食的係土豆及四季豆。
酸菜魚
點左細份，用黑魚（即生魚）魚肉厚滑，湯頭愈食愈辣，酸菜酸度適中，寬粉似粗米粉，帶點煙靭，夠索湯，整體不俗
食川菜一定要啤一啤
呢樽辣椒油，見到個名都唔敢掂，影相好了
餐廳好細，一般麵店格局，不過相中左手邊圍住有個小小凹位，可坐八人，設計幾好
全站熱搜
留言列表
香港食食食 (25)
