Foodie 生活雜誌

(室內只得幾張小枱加幾個吧枱位，好迷你)

9/2017光顧

又一間日本過江龍餐廳，熱賣食品係忌廉包，原本我甚少湊熱鬧，但見報紙介紹，作者妙筆生花，寫到熱食極吸引，既然在附近就去試下，店子位於人龍店cheese factory 隔離，但就無人隊。餐廳分兩部份，店內及商場露天位，待應好好服務，比我來來回回任揀位。坐落一睇餐牌就覺得唔對路，熱食係普通日式洋食，價錢貴，賣相普通，要我坐喺呢個環境食我就覺得唔值，橫掂甜品出名，立即轉軚點個french toast ，加杯咖啡止蝕，食物中規中矩，叫做試過。

french toast 唔明點解叫french toast，其實係一個注滿custard 的包，襟偏佢，沾上牛奶蛋醬煎，個面加點焦糖，揾火槍燒一燒。配上新鮮的生果碎同cream，味道都唔錯。不過份量到喉唔到肺，比多塊就差不多。

咖啡用日本直送的伊都岐咖啡豆，味較濃但唔澀，算易入口

忌廉飽有好多和種味道，不過廿幾蚊食陣風一樣的包，作為勞動階層的我真係覺得又貴又唔飽

個french toast 應該係用呢個每日限量整，見到後感覺又良好d

室外好d，不過隔離cheese factory 有太多人排隊，好多人會望住你食，有動物園feel