2016九州一圈遊遊記篇 Day 12 福崗-柳川-鳥栖outlet-福岡 @ Foodie 生活雜誌

(若遊柳川，一定要坐船仔遊河，否則好似無咩意思)

一早開車去柳川食鰻魚飯，miss 左個 IC 出口，點知錯有錯着，去左個特産品センターなんかんいきいき村。地方好大，有好多特色土產賣，比我沿途見到的店鋪都來得吸引，仲有兩間大餐廳，一間食buffet，全部食物以土產作食材，另一間食拉麵，有自製豆腐，好吸引，可惜我要留肚食鰻魚飯，唯有忍痛話別，各位愛逛土產店的朋友可以來睇下。繼續上路去柳川，先去著名的元祖本吉屋食鰻魚飯，估唔到平日都要等位，坐底又要等食，唔係誇張，你真係要小睡片刻瞓醒至有得食。食完就在附的行下，柳川在我心目中的印象應該係同倉敷差不多，可是實際去到就覺得好大出入，倉敷規劃公整得多，柳川較隨意，可能我來得不是時候，河提兩岸固然無花，四周的市容及店鋪都頗殘舊，遊人唔多，不過我估若坐船應該感覺好好多，不過我興趣不大。日本國內的旅遊點互相競爭都好大，如何吸引遊人到來都要大費心思，否則熱潮一過就完了。行左一陣決定離開，去女士的迪士尼樂園(outlet），結果大家都有收獲，開心回酒店附近食個拉麵，一天就此結束。

特産品センターなんかんいきいき村