Foodie 生活雜誌

7/2022光顧

近年開左好多餃子店，成日話租貴人工貴，一碗餃子收四十零蚊，真係咁好賺？定係外賣生餃有得做？真係唔知。呢間餃子店由幾個年輕人主理，餃子大大隻，湯餃同煎餃一樣，包到似窩貼咁，魚湯底幾濃，煎餃太油膩，味道不過不失，點都好過買超市雪藏餃，若我住附近都會再幫襯，不過就無必要專登入來食了。

7/2022

食完餃子飲咖啡，喺開飯網見到呢間較啱心水 。店子細細，一男一女看店，男的負責廚房，女的負責水吧，仲要顧埋外場及外賣，二人忙得不亦樂乎。小店提供一般cafe大路食品如all day breakfast及簡單意粉，目測食物出品都算有質素，蛋捲係街外貨，咖啡普通，唔知係咪又一間追夢cafe呢？無論如何，小店都係我的優先選擇👍🏻

7/2022光顧

川菜本身已經唔容易揾到朋友同食，下下大大碟更加難揾到咁多人，行過經過見到呢間街坊小店，感覺唔錯，約朋友兩條友試下。食物雖然口味油膩濃厚，但味道唔錯，如店名一樣，香辣鮮齊備，加杯啤酒，食得暢快。餐廳全女班，連大廚都係女將，唯一男丁係老闆個仔😆

7/2022光顧

好少去石門，同太后去嗰邊辦完事順便食飯，去開飯網揾餐廳，完全無心水，想起住附近的朋友，揾佢推介，咁啱佢介紹呢間同太后朋友推介的一樣，當然要試下，可能我當日食運不佳，食物唔多啱口味，試過就算。

7/2022光顧

又一間日本過江龍，主打鳥割烹Omakase，好似香港未見過有類似的餐廳，見多位blogger都話正，驚遲下變預約困難店，一於食左先。口味嘅嘢真係好個人，人地講得幾好都無用，始終自己食的至係真。餐廳用鹿兒島黑薩摩雞作食材，由師傅於席前以雞的不同部位做出不同款色的雞料理。套餐共有十六道菜，看似豐富，但食落就覺得華而不實，菜色唔覺特別，味道亦唔突出，餐具都係普通，即係色香味都一般。價錢唔平，我寧願老老實實去燒鳥店食串燒好了，叫做見識下囉。

7/2022光顧

酒店內的老字號意大利餐廳，四舊水一個four course午餐，以酒店餐廳來講算抵食，菜式大路，味道中規中矩，分量好慷慨，位置就腳，環境舒適，不過以酒店水平，服務水準就差左d。

7/2022光顧

稻庭養助，出品烏冬的名店，有幾百年歷史，以前比較多幫襯紅磡店，但近年已少去。朋友講開喜歡去尖沙咀店，抽起條筋又去下。今次主打食居酒屋食品，貪佢細細碟唔會食得太飽太有負擔。食物質素中規中矩，勝在選擇多，又無限時，嘆住啤酒吹下水，不失為一個選擇。

7/2022光顧

casual 意大利餐廳，地方濶落，氣氛輕鬆，有渡假感覺。食材新鮮，醬汁香濃，食物味道不俗，可惜份量太細，碟碟都似一人份，諗住全部食物都係細細碟，點知最後點的提拉米蘇卻又大大碟，真係估佢唔到

7/2022光顧

諗住都係打咭cafe，無諗過幫襯，但佢係少數開8:00的cafe，最啱我呢類晨型人，結果成為坐上客。cafe唔錯喎，裝修靚靚，冷氣充足，價錢實惠，食價比高的cafe，可以再來。

7/2022光顧

可能區內人多，所以好多食肆都爆棚，幾次經過都見到呢間餐廳高朋滿座，入開將軍澳又試下。結果食物水準非常一般，試過就算。