Foodie 生活雜誌

7/2022光顧

又一間日本木系水泥裝修的餐廳，唔知點解總係被呢類裝修吸引。餐廳有正餐又開到晚上10點幾，所以我將佢歸類為餐廳，係提供到一杯認真點的咖啡的餐廳。食物及咖啡質素一般，侍應比較cool。荃灣區cafe競爭愈來愈多，除左我去開的Alchemy Espresso之外，對面商場內剛剛又開左NOC，唔知愈開愈濫的cupping room幾時插旗呢？咁樣對於我等消費者有好處，可分散人流，但質素卻愈來愈向下滑☹️

6/2022光顧

行過幾次都見有人龍，應該好受歡迎。晚餐時間經過見到唔使排隊，又試下。小店只提供沾麵，餐牌簡單，食完後，最有印象係麵質，其他普通。

6/2022光顧

6/2022光顧

6/2022光顧

慕名已久，終於來食。餐廳裝修瑰麗，大大棧水晶燈，高貴又有氣派，可能燈光較暗，感覺裝修有點舊。我食午餐，四個course，菜式平實，食物味道不俗，但無亮點，寫番轉頭都無乜印象，所以只寫菜名。而且服務一般，見識過就算了。

6/2022光顧

6/2022光顧

喺咖啡店未開到多過七仔的時候，呢間係我的心水之一。不過有次去完南豐紗廠的KoKo Espresso，味道強差人意，之後就再無幫襯，反正cafe一街都係，無謂再搏。路經中環登山電梯，斜路望上去有blue bottle 、APT、zero、cupping room同呢間，結果選呢間，因為裝修仍然比到我專業的感覺。今次又覺得唔錯喎，日後又可以繼續幫襯了。

6/2022光顧

城中熱門鮨店，出名難訂，我呢餐係半年前訂，仲要full pay，no refund ，只可改期，好巴閉。食材唔算特別，但水準高，處理有心機。師傅風趣，對食材認識深，不停講故事，可愛的侍應用心翻譯。由於師傅跟日本的買手關係好，可以攞到靚食材，夏天都食到肥美的魚。聽師傅講同買手溝通的過程，似睇電影「潮拜築地 魚味無窮」。食完後整體感覺良好，但又不至於好突出，若唔係太難訂，我或者會再食，不過今年訂位已滿，下年訂位又未開放，食餐飯要食到輪米咁就無謂，又唔係平，見識過就算了。

6/2022光顧

6/2022光顧