Foodie 生活雜誌

6/2022光顧

6/2022光顧

無時限放題火鍋店，好少去呢類食店，多年前食過，印象中係將貨就價，填飽肚之選。今次朋友仔帶我來，感覺完全唔同 ： 地方濶落，乾淨企理，食物選擇多，賣相靚，水準不俗，味道温和大路，招呼幾好，最重要係無限時，滾住傾，食物總係熱辣辣。爽！

6/2022光顧

6/2022光顧

近年多左好多「過海龍」cafe，之前中上環創業的都開過來九龍。呢間我喺上環店幫襯過幾次，水準不俗，來到九龍，當然要試下，點知食到一肚氣，食價比低，食物質素欠佳，無下次。餐廳開左好幾閒分店，莫非兼顧唔到，搞到質素下降？不過唔止佢，cupping room, knock box 都有呢個問題。反而暫時NOC 及Espresso Alchemy 就keep到。

6/2022光顧

6/2022光顧

曾經喜愛的餐廳，之前幫襯過幾次，直至有一次覺得唔多啱食，無再幫襯，不經不覺又幾年。近排見到有雜誌介紹，心思思又試下。餐廳仍然keep得好新淨，服務好好，食物水準不俗，是日用餐經驗愉快。平日只供應套餐，四道菜同五道菜只差一舊水，(係魚or肉同魚and肉的分別)，無理由唔點五度菜，侍應話若食到三餸一湯就食到五道菜，結果証明我一個人係食到三餸一湯，不過全日都唔使再食其他嘢了。

6/2022光顧

做孤獨試食家的同時，都會遇到其他孤獨試食家，萍水相逢，從中交換飲食情報，幾有趣。餐廳原本on the list，但過左一排都無去，所以delete左，點知有日飲咖啡時同另一試食家傾開，佢話唔錯，又試下。多款餃子小食選擇，湯底唔錯，餃子大隻，皮薄饀多，唔算好好，但可以一試。

6/2022光顧

5/2022光顧

周街cafe，唔通間間都好咩？已經對cafe無乜期望，求其就腳好座就算，感覺良好咪點杯手沖，否則就點杯黑啡，至於食物，更加隨緣了。呢間咖啡店門面靚仔，裝修清新，地方寬敞，冷氣再大點會更好。

5/2022 光顧

酒店內的中菜廳，環境舒適，點心味道不俗，炸物不油不膩，份量足，大大碟，不過限時90分鐘，最好等齊人至好入。