Foodie 生活雜誌

剛好於用餐時間經過，咁啱遇到有越南牛河，諗都唔諗就行入去，速戰速決解決一餐。無期望亦唔會失望，一碗毫無個性的牛河，湯底清澈但唔多覺有牛味，河粉幼滑，恕我不材，食完幾日後至寫食後感，居然對個味道完全無印象，只記得午餐$69一碗連飲品，我會選擇去附近是但食碗雲吞麵就算，就算無分別，起碼都平廿雞。不過室內設計幾靚，値得一讚。

9/2017光顧

又去尋找美味牛肉河。今次呢碗係香料派湯底，顏色深，湯底咸，香料味重，味道過濃至有點口渴，不過唔係人造味精的渇，喜歡濃味的食友可能會覺得唔錯。我係牛骨甜湯派先至唔啱 (純粹係唔啱食，唔係唔好食)。河粉幼滑，安格斯牛肉同坑腩牛味重，雖然得三塊牛肉兩件細坑腩，但碗麵size正常，喺灣仔區賣$48算係咁。若果換左牛骨派湯底，我肯定會再來，可惜....

9/2017光顧

9/2017光顧

最喜歡幫襯呢類有誠意的餐廳。小店一間，開放式廚房，內裡一眼見哂，酒吧式餐廳，提供小食及main course，湯及甜品欠奉。踏入小店已聞到一陣濃濃的蝦湯味撲鼻而來，原來廚房正熬住一煲蝦汁，即時對今晚的食物充滿期待。餐廳無餐牌，菜色都寫在牆上黑板，看似平凡原來碟碟有心思，色香味俱全的一餐，不過有少少缺點 : 店面小，座位較迫夾，開放式廚房油煙重，上菜慢，店主話將會於附近開間千呎分店，希望新環境能夠改善以上問題，但又有點担心食客多左店方是否能夠維持水準？

9/2017光顧

9/2017光顧

午市點心套餐，有25款選擇，包括點心、前菜、燒味、例湯、粥粉麵及甜品，任點任食。款款足料好味，25款中試左17款，除左口水雞之外，其餘全部都唔錯。價錢係稍貴，但酒店內的中菜廳，環境舒適，服務好，而且一個價錢預左，有數為，唔使就住就住點。點心套餐$308一位，3至12歲小童半價，茶錢每位$20，另加一。

9/2017光顧

9/2017光顧

(配菜好味但每碟份量少)

9/2017 光顧