Foodie 生活雜誌

9/2017 光顧

店名Soulmate，店主係一對夫婦，熱愛煮食，互相交流，兩人開的小店，改得呢個名，感情一定非常深厚，令人羨慕。中文名都好有趣，直譯諧音叫蘇眉，只睇店名都知兩人好有心思。心思除左用喺店名上，仲放於廚藝中，餐牌每月更新，不時不食，創意隨靈感發揮，呢間小店的經營模式相信係好多廚師的夢想。當晚點的幾道菜味道都唔錯，煮得好有心機，上菜時侍應從用料到煮法都詳細介紹，唔知以為佢識煮。店內有好多隱藏的菜色，你可以自己問老闆。一間由廚師到員工都對食物充滿熱情的餐廳，食物都唔會差得去邊，就只待你每次去發掘驚喜。

海鮮周打湯 海鮮以貝類為主，配洋蔥加入少許白酒，湯頭鮮甜，再放上一塊煙燻黑線雪魚，增加味道的層次感

粟米凍湯 湯底用新鮮粟米打成茸再隔渣，質感幼滑，配上香脆parma ham ，味道簡單直接

慢煮南非鮑配蜆肉咖哩汁 南非飽柔軟，淡淡的咖喱汁內有蜆肉及青蘋味碎，配鮑魚食，一啖咬落有不同口感加不同口味混合，但又無衝突，配搭有心思。

皇帝蟹意大利飯 意大利飯口感剛好，軟硬適中，加入露笋泥及蟹肉，口味清新，連一向討厭意大利飯的太后都肯食，用行動投一票。

香煎慢煮脆豬腩 豬皮香脆，腩肉入味，配上淡口的蒜頭椰菜花泥，平衡豬腩肉的濃味。上枱時介紹話用左好多工序，侍應講左好多，我都無心機聽。侍應每一度菜都好熱情地由配料到煮法詳細解説一次，但去到後來我真係有點吃不消。實在too much

慢廚羊肩 羊肩已挑走哂d筋，外皮烤得香，內裡鬆軟，水準之作

甜品名我忘記了，大概係朱古力mouse 配甜橙皮。mouse 朱古力味濃而不膩，好滑身，橙皮香，一甜一苦，好配合。

餐廳裝修以藍白色為主，似希臘小白屋

牆上一角貼滿二人的照片，好温馨