Foodie 生活雜誌

4/2022光顧

食物幾有心機整，但當日的遭遇就令我不快了。話說當日訂左十點食早餐，十點十五分都未開，只開左半閘，因為帶住太后，唔想四圍行，加上好多餐廳未開，所以冒昧入去請店員比太后坐低先，原來只得廚師番左工，佢好好，比我地點餐，但飲品未有，因為負責水吧的經理未番。直到十點四十五分，經理終於頂住一頭亂髮番工，小店至正式營業。我係訂位唔係walk in，即係一早約定，若未能準時開鋪，可以唔接，若遲開十五分鐘我都可以接受，但遲大半個鐘就好離譜，若唔係帶住太后，我一定去左第二間。所以我食完嘢，咖啡都無飲就走，當然我唔會再去第二次。

4/2022光顧

4/2022 光顧

4/2022光顧

YAMA@油麻地

4/2022光顧

一間用心做的咖啡店。走台式路線，室內裝修雅致，食物及咖啡皆不俗，地方舒適，員工友善，歡迎狗狗，有專屬餐牌點餐。

4/2022 光顧

街角小小咖啡店，一路坐一路見幾多熟客幫襯，出品應該唔錯，喜歡呢類做街坊客的小店多於打咭店，見到客人同店員閒話家常，平凡的日子係最幸福。

4/2022 光顧

標榜賣手工意大利粉，餐牌上多款不同類型pasta選擇，貓耳朵、薯仔粉團、德國麵疙瘩、雲吞、寬麵、長通粉…….似睇旅遊節目意大利婆婆家廚房煮的麵食，有家庭feel，即係無擺盤，就咁pasta撈醬汁的style。pasta有咬口，醬汁香濃，簡單飽肚。外國人廚師好友善，可惜侍應服務態度差，我唔會再去。

4/2022光顧

喺附近食完餃子想飲杯啡，可能因為附近太多咖啡店，週未下午都好易揾到位，懷舊粗糙風裝修，枱椅全部拍牆，中開通道濶落，地方算大，坐得幾舒服，咖啡普通，云云眾店中的其中一員，唔算突出。

4/2022光顧

喺開飯網四圍loop，睇到呢間幾合眼緣，即管試下。街坊小店，價錢實惠，味道平和偏淡，食完唔口渴，總好過食到滿口味精。主打餃子麵食，又有飯團、芝士蛋糕，好多選擇，食飽後去附近cafe 飲咖啡，咁就唔使食cafe的高價簡餐了。