Foodie 生活雜誌

3/2023 光顣

3/2023 光顧

行過見到似酒吧的西班牙菜餐廳。香港的西班牙餐廳通常鬼聲鬼氣，但呢間看似幾local，見網上評論唔錯，即管試下。當晚點左5個Tapas，食材及醬汁素質一般，味道唔夠濃烈，而且碟頭幾大，唔多似tapas。若唔當自己食緊西班牙菜，只係食佐酒小菜的話，係可以的。

3/2023 光顧

3/2023 光顧

之前去漁灣邨街市熟食中心食牛雜麵的時候，見呢間粥店勁多人幫襯，仲好多人點炸兩，梗係要來試下，點知炸兩都係一般，有點失望。

3/2023光顧

一般西餐廳，當晚只點左三款食物: Pizza、Pasta 及蛋糕，Pizza出品不俗，其他普通。值得一提的係餐廳的地點，開喺九龍灣及牛頭角中間，觀塘海濱近兒童醫院嗰邊，位置非常吊腳，兩邊地鐵站行過來都要十幾分鐘，沿途無遮無掩，不過有泊車優惠，所以揸車來會好d。可能大厦主要租户係JP Morgan，所以成個配套高級哂。樓下cafe 係Fuel espresso 唔係沙北，樓上幾間西餐廳，有露天位有happy hour ，好西化，喺附近番工的朋友想揾個靜靜地的地方食飯，不妨考慮下呢個場。

3:2023 光顧

餐室出名食牛腩，慕名一試。牛腩柔軟啖啖肉，但食完比較口渴，唔多啱我。值得一提係侍應服務好好，好有禮貌。

3/2023 光顧

唔係朋友介紹都唔知有呢間餐廳，個位實在偏僻，以前三希樓，心齋個位，兩間都練好功夫下山了😆餐廳應該係服務半山的住客及附近工作的人？餐牌食物選擇非常多，川菜粵菜，火鍋小菜樣樣齊，我樣樣想食樣樣想試，好開心今次的食友乜都食又任我點，於是田雞鵝腸肥羊全部放馬過來👍🏻食物水準不俗，川菜夠香夠味，但係咁山旮旯真係好難約人來😅

2/2023 光顧

3/2023 光顧

行過見到餐廳的懷舊裝修幾骨子，見網上評價ok就試下。典型行貨餐牌，基本上信心不大，但一塲來到都無謂走，入到去見到水吧的兩位年輕人同餐廳的氣氛唔多夾，結果亦如我所料，食物咖啡非常一般，勝在夠靜及坐得舒服，冷氣非常強勁，若於盛夏到來就啱哂。

2/2023 光顧