Foodie 生活雜誌

4/2022光顧

一間用心做的咖啡店。走台式路線，室內裝修雅致，食物及咖啡皆不俗，地方舒適，員工友善，歡迎狗狗，有專屬餐牌點餐。

同店主傾開，原來兩夫婦決定喺人生路上轉跑道，所以開呢間咖啡室。成日話開咖啡店係築夢，店主呢個夢更大，希望可以做間pets friendly cafe之餘，仲可以將部分營運資金投放於照顧流浪貓狗，希望店主能早日達城目標。不過見附近新樓愈起愈多，睇怕佢要先擔心加租問題了。

一浪總匯吐司

厚厚的三文治，雖然食材質素一般，但處理用心。多士烤得微香，蔬菜乾身，雞扒唔油膩，炒蛋綿滑，抹上花生醬有畫龍點睛之感。賣相靚，但太厚，食得呢hea。咪睇佢好似份量普通，食完飽到夜晚。

手沖咖啡

Ethiopia Guji Highland natural

見到咖啡店的食物出品咁有心機，杯咖啡應該唔會差，所以放心點杯手沖。又係點易入口的ethiopia。 咖啡都講潮流，以前好興飲耶加雪菲，而家紛紛改飲guji，我飲過幾次，又真係啱口味。今次飲得出不同温度有不同味道，總算嘗到手沖的滋味。

見到咖啡師年紀輕輕，老闆娘話咖啡師做左十幾年，經驗豐富，嚇左一跳，唔知點解而家好多咖啡師外表年輕，但個都話沖左咖啡十年八載，真厲害。

咖啡豆磨粉後，聞下咖啡的風味

可愛水壺

咖啡店喺大角咀舊樓群內，台式老屋feel的外貌好突出，室外位置寬敞

入門係咖啡吧加開放式廚房，一列吧枱

再入面係幾張小枱，加一張大枱，仲有地台，座位選擇多

層架上有食器出售

狗狗的室內座位

懷舊燈箱

狗狗的室外坐位

人與狗，加埋三款餐牌