2/2022光顧
cafe 加酒吧。我選cafe,所以來食lunch。原本為蛋餅而來,點知見到班尼迪已身不由己咁點左。食物水準一般,不過環境不俗,分室內及半開放式坐位,可能因為當日少人,坐得幾舒服。
2/2022光顧
cafe 加酒吧。我選cafe,所以來食lunch。原本為蛋餅而來,點知見到班尼迪已身不由己咁點左。食物水準一般,不過環境不俗,分室內及半開放式坐位,可能因為當日少人,坐得幾舒服。
2/2022 光顧
餐廳小巧,似法式小酒館,之前經過見到,感覺良好,食物簡單但美味,侍應親切,用餐經驗愉快。餐牌分三個類別 : small ,big,sweet,全部份量好細,small 的一個人一碟,big勉強可share,我一個人都食左五款,餐廳好受歡迎,午市用餐時間只有60分鐘,晚市90分鐘,呢度的食物咁細碟係夠時間食的,若食完想傾下偈就要轉場了。呢種用餐時間已經成為常態,睇怕要開始學韓國人一樣「續攤」了。
2/2022 光顧
去完大帽山賞霧,落山腳食印度菜。記得之前去林村時,賣寶碟的嬸嬸介紹我來食,佢話芒果奶昔同cheese cake好食,等我仲以為係西餐廳,原來係印度菜。餐廳好旺塲,食客大部份係印巴藉人,價錢實惠,味道唔錯,難怪咁多人幫襯,除左堂食滿座,仲有好多人買外賣。我好小食印度菜,因為對咖哩興趣一般,不過呢度的食物味道唔算特別濃烈,偶一為之係可以的。
1/2022光顧
行過覺得門面幾吸引,加上之後有foodie友推介,又去試下。估唔到價錢唔貴,漢堡套餐連飲品及薯條只需$60,但質素一般,我唔係成日食漢堡,所以貴點都係喜歡shake shack或triple O多d
1/2022光顧
餐廳由北角去到長沙灣,再由長沙灣去番北角,多年來經營唔容易,老闆娘好有靭力,值得支持。食物水準唔算高,普通一碗米線,但又幾合我口味,次次嫌大碗,但又不經不覺食哂。若住附近不妨一試。
1/2022光顧
cafe地點偏僻,喺比較靜的街內,有日行過見到,唔知點解覺得有印象,睇番原來以前幫襯過上環的店,印象中咖啡唔錯,呢間有埋嘢食,更啱心水。可惜當日唔知廚師幾點番(😰)無嘢食,只可以飲杯咖啡。咖啡水準不俗,cafe環境清靜,任坐唔限時,係實實在在飲咖啡,而非打咭的地方👍🏻
1/2022光顧
食過同集團的幸福鳥,印象不俗,加上呢間可以用coupon,所以試下。我食雞串為主,雞肉唔夠juicy,串燒火喉控制唔好,燒得唔夠香,調味亦唔到位。當然餐廳賣點又係一半價錢去左個海景度,所以我用coupon後,以一半價錢食就勉強合理。其實有無coupon都唔使來😅不過服務好,係餐廳唯一可取之處。