Foodie 生活雜誌

10/2020光顧

向來對小館式餐廳有好感，睇介紹見餐廳的出品幾精緻就試下。餐廳係灣仔新貴，好爆場，我訂星期六的午餐要早幾星期訂至有位。小小的餐館感覺cozy，菜式擺盤簡單精美，食物味道偏濃但唔口渴，幾好食。餐廳有實力，連咀尖的太后話可以再來，不過作為埋單嗰個就嫌碟頭細價錢貴囉😅

法包 牛油幾好味

蟶子 蟶子肉切碎，加切得好細粒的青瓜及蘿蔔粒炒，伴以parsley sauce 食，好清新，不過$220一隻真係幾貴。

煎threadfin 配薯仔沙律 介紹話threadfin係類似鯖魚，薄薄的魚塊，直接用火燒魚皮後再焗。魚皮酥香，魚肉結實juicy，處理得好好。薯仔沙律加入藜麥、香草、芹菜粒等，薯仔軟屬但dressing 頗酸，好開胃

steak baguette 澳洲和牛切片鋪在baguette 上，topping 係芝士碎及rocket。baguette 搽上厚厚的牛油，牛肉幼嫩，燒汁味道濃郁，好豐富飽肚，good👍🏻 （個包令我想起從前灣仔某間食牛的餐廳，好似已closed)

Home made trofie , broccoli , chilli  

trofie煙韌，濃濃的西蘭花creamy sauce，加少少辣椒，簡單好味

肥威香濃

小店喺一條開滿攤檔的小街上，中西薈萃，灣仔的特色。室內係法式bistro 感覺

見餐廳內有約十個員工，加埋人工、鋪租、食材，可能成本高，所以食物定價有點貴，但見餐廳一星期休息兩日，只做三日晚市，感覺有點唔憂做。