Foodie 生活雜誌

1/2018 光顧

暫時我食過最滿意的天婦羅(包括日本食)。之前食過普通午餐，今次食Omakase，價錢貴d，款色當然多d。食材水準高，最喜歡係墨魚同沙𩺬魚，蔬菜清甜美味，反而海膽唔夠鮮甜。師傅工作時好嚴肅，但完成午餐後就同我地講笑。話說餐廳好多名人幫襯，梁朝偉更加係常客，佢話有次朝偉同朋友來，坐在吧枱尾，之後有一組六位客人入來，餐廳好細，佢地一見到朝偉就不停偷望，結果師傅忍唔住請朝偉同佢地合照，影完後佢地終於肯專心地用餐。到朝偉食完，同入口的卡坐客人打招呼，朝偉剛步出門口，食客問師傅佢係邊個，一知道佢係朝偉，立即追出去影相，好搞笑。

故事未完，師傅喜歡分享佢同名人的合照，佢只會放在自己手機，當佢show 比我睇時，成日叫我估係邊個，講講下我叫佢同我合照，下次見到呢班名人就show 張相佢地睇，叫佢地估我係邊個，引得師傅哈哈大笑，愉快的一餐。

之前食後感👇🏼

https://hearoom.pixnet.net/blog/post/296882008

蘿蔔蓉好甜，超正

是日食材

前菜 左口魚刺身

喬頭昆布沙律

Omakase 大部分食材都同set lunch一樣，只係多左蠔、海膽、蝦多士、帶子

之後以一個天丼結尾，仲有茶泡飯選，不過上次食過，配上師傅推薦白味噌湯，真係好好飲

甜品