Foodie 生活雜誌

1/2018 光顧

一向對麻辣火鍋的印像係負面的，自從多年前食過寧記，麻到苦的味道至今仍然記得，所以一向無興趣，不過朋友提議，唔想掃興就姑且試下。餐廳裝修高雅，食物選擇貴精不貴多，麻辣湯底係主角，用蔬果藥材香料熬成，味道香辣中帶甜，可以當湯飲，唔似重慶麻辣鍋的重口味。食材新鮮，簽名菜鴨血果凍幼滑彈牙，某些食材侍應會提供食法，希望能夠盡量發揮食材的優點，食物分批上，店方希望食客能夠慢慢品嘗美食，感覺好似食緊火鍋中的fine dining 一樣。食物主要以湯提味，無提供任何調味料，因為根本唔需要。若你食開廣東火鍋可能會嫌餐廳選擇少及做作，而且價錢唔平，不過湯底及鴨血幾獨特，值得一試。我地當晚海鮮只點左蠔，因為海鮮通常取其鮮味，若落左麻辣湯就覺得浪費左 。

坐位寬敞，每枱都有屏風阻隔，感覺高檔

若怕整污糟衫，可以問侍應攞圍裙

好友相聚，飲番杯

湯底係以每位計，所以再加的都係湯，唔會加水

麻辣鍋底 橫掂都係，嚟得就要食出名的，放棄鴛鴦鍋底，真接點麻辣鍋就算，最後証明選擇係正確。咪睇佢賣相似泥水，飲落香辣有層次，侍應建議爐的温度要調教到120度，否則太熱會好咸。

簽名菜鴨血，咬落帶點點靱度，但內裡似啫喱般幼滑，全無羶味，侍應建議用刀叉食，以免夾散，但我又唔覺有分別，之後的都用筷子食，講真味道我食唔出有咩咁突別，不過喜歡個質感，同麻辣湯好配合，湯內本身已經每人有一舊，但大家都要求再追加。

牛小排，一睇就知靚

為左保持牛肉的嫩滑度，店方建議用湯淋熟。有侍應示範，又真係好嫩滑。不過我一介草莽，之後的當然就咁隊落窩就算，只要牛肉靚，食味一樣出色

體温牛

連骨魚皮好香脆，有口感

丸子彈牙，韮菜餃饀料豐滿韮菜清香，非常不俗

蔬菜新鮮 當中的海藻吸湯後變軟，口感帶點潺，我幾鐘意

王子麵 完全無特別

蘿蔔片及萵筍片 將兩款蔬菜切片，更能吸收湯底，好美味。

餐後可以喺露台飲番杯，幾有情調