1/2018光顧
一間精緻的咖啡店，年青老闆有理想，有態度，在小空間發展夢想。餐廳呈長條形，頭尾均有出口，似一條走廊，室內有好多精緻擺設，老闆喜歡收集舊物，尤其係瓷杯，開店後將珍藏放在店內裝飾，餐廳的其中一個特色係用中式茶杯來載咖啡，中西合璧，頗有玩味。小店亦係社區的聚腳點，推廣社區活動，舊區文化。
話說我光顧時只有我及另一位客人，我得到店員許可就開始影相，之後再有客人來我就停手。不過見到再來的客人就不斷狂影，因為地方淺窄，有時甚至影響到其他客人，到我突然想起要影玻璃杯時，被店主拒絕，我當然停手，之後就見佢勸止客人影相。到客人走左之後，店主就主動叫我影玻璃杯，傾談之下至知原來店內實在太多人影相，尤其週末，佢又唔想得失客人，搞到自己有點壓力，所以我都要提醒自己要注意一下，唔好影響別人。
店名寫在紅紙上，似捧春，幾有玩味
店面窄長，空間不多
坐位主要集中在店的頭尾部份
上次經過後巷位有放枱櫈，今日可能太早，未開
食物擺碟有心機，食材不俗，呢類輕食都係砌出來，食材好就好食。
店主用多年收藏的瓷杯裝咖啡，中式瓷杯配西式飲品，幾有趣，不過佢話已經打爛左好多隻，我都戥佢肉赤
好喜歡店內的氛圍，擺設豐富得來唔雜亂，又有玩味
週末限時90分鐘，對於咖啡店來講係有點兒那個，但店主話成本問題，無奈的決定，(又是租金惹的禍) ，不過寫得清清楚楚，明買明賣，唔喜歡就唔好幫襯囉。不過若果唔太繁忙，店主係唔會叫你走的，我週六都坐左兩個幾鐘。
同好多文青咖啡店一樣，提倡多點看看身邊事，身邊人，睇下書，咪掛住打手機
好彩我有帶道具
外賣紙杯都好靚，不過外賣只有黑色，想要其他顏色就要錢買
全站熱搜
留言列表
香港食食食 (25)
