Foodie 生活雜誌

12/2017光顧

朋友夜放工，要約食飯一定要揀間夜收鋪的餐廳，朋友喜歡打邊爐但我又唔想，呢間收兩點，食物選擇多樣化，有西餐，火鍋同日本菜選擇，又係酒吧，大家都可以選到喜歡的，啱哂。食物質素可以，西餐幾精緻，日本菜麻麻，串燒有點油膩，壽司新鮮度普通。反而火鍋的椰青雞湯底好香，食材質素不俗。值得一讚係侍應們都係型仔型女，服務殷勤有禮。呢餐食物質素普通，我覺得overprice，不過合乎我的用餐條件，最好彩係有善長捐贈。

番茄沙律 好食在超市都買到的中華沙律汁

酒泡鮑魚 侍應推薦，酒味香，鮑魚甜，得幾塊，好迷你

和風蟹肉松露酥皮捲 用牛油紙包住豐富饀料，做出玫瑰花造型，幾靚幾香口，但其實好細粒，名乎其實的小食

磯煮鮑魚飯釀鵪鶉 食唔出有鮑魚，不過個飯幾香幾好食，飯粒黏口，鵪鶉肉嫩juicy

清酒煮馬刀貝蜆 今期好似好興刀貝蜆，肉厚味鮮，見到必點

板燒北海道珍寶帶子配3.6薯蓉 薯蓉好滑，帶子大大隻，味道一般。

椰清雞湯底 火鍋湯底搞好多花臣，成個椰青同上湯，加埋放在銅鍋中的雞一齊上枱，型仔侍應先將雞件爆香再加入上湯及椰青，湯底加入椰青後更覺清甜，大家忍唔住係咁飲湯，同枱食友細心品嚐，想在家自製，希望日後有口福

食友因為見到鄰枱碟牛肉好吸引，至有食火鍋的念頭。咁碟牛又真係唔錯，因為要留肚，三款餃子我都無食，朋友話不俗，不過一碟得4隻，計落成十幾蚊一隻，都幾貴。

日式食品應該係餐廳較遜色的一環。壽司新鮮度並通，點餐時話特上壽司餐有海膽，點知來到係無，補番件赤鯥比我。

串燒油膩得來唔夠香。

可能因為漏單同比錯壽司，侍應請我地食甜品，老婆餅底的tiramisu ，餅底帶甜，無話好特別，叫做有點特色，但我寧願食傳統的。另外有炸榴槤及炸香蕉。

餐廳面積頗大，裝修morden，大大個酒吧在餐廳中間，負責輕食同飲品，將餐廳分開兩邊，另外有樓上雅座，光顧當日侍應們忙到一頭煙，原來有個60人party，難得仍然保持好好的服務態度，抵讚