Foodie 生活雜誌

太后欽點為全程最舒適的住宿，比之前的洋房更高分，因為實在舒適。住宿設備齊全，服務貼心。應該係agent管理，同之前所有住宿一樣，我從訂房到check out從無見到任何人，但住宿負責人喺入住前一星期，入住前兩天到入住的一天，離開的一天都會比email通知或查詢我有乜需要，雖然住宿處所有設施及附近環境已有詳細指示及説明，我已無需再提出任何要求，但受到關注仍然係感覺良好。

注意 : 住宿於入住前一星期左右會過數，訂房時請看清條款。

資料 :

在booking.con預訂

單位在住宅區內，車輛泊在門口

舒適3房單位，設備齊全，似有人住開咁

大廳梳化舒適，我同美魔女在此守夜等極光，兩晚都食白果

廚房設備齊全，整蛋糕的工具都有，調味料齊全

廚房旁係飯廳

廚房後有間雙人房，呢度稍為唔多方便，不過煮飯油煙唔多，關門就無事，太后反而喜歡近廚房飲水方便

雙人房

另一間雙床房

衛浴地下有heat，毛巾乾淨，有埋暖毛巾架，仲有温馨提示，由於外國某些地方唔似香港熱水源源不絕，係用水缸儲水，可能外國人無我用水咁浪費，通常夠用，但我試過團友用左熱水洗碗就唔夠。我真係試過冷天沖沖下涼無熱水，呢度管理好好，講到明係水缸儲水，不過多人用都無問題，若要浸浴就要留意，好細心。

有洗衣房，洗衣乾衣機齊備，洗衣粉唔使講，一定有

客廳連接後園

後園設有燒烤爐，可以燒烤

後園對正草帽山，若有極光，簡直係無敵view，不過街燈多，唔知有無影響？我結果都揸左車過去草帽山瀑布，車程十分鐘左右，好近

住宿的小區