1/2018 光顧
食友推介，落力搞飯局仲book埋位，非常感謝。跟小菜王同一類型的小菜館，餐廳在九江街，無咁熱鬧，一條街有幾間鋪，其中一間做廚房，另外三間鋪位招呼食客，再有一間燒腊店，陣容鼎盛。餸菜碟頭大，小菜有鑊氣，味道唔錯。雖然無話限時，但差不多時候都會用借口叫你交枱，我當晚早去，差不多8點多就請我埋單，借口係 ： 出面有行動不便的婆婆在等位，我無深究，識做交枱就算，始終街坊生意，想做多轉係正常，無謂阻人發達。
薯仔黑椒牛柳粒 簽名菜，每枱都點。薯仔走過油，外脆內甜，牛柳粒有點靱，不過黑椒味濃，整碟菜好惹味。
鹵水拼盤 牛𦟌、熏蹄、雞肝、墨魚、紅腸，每款碎濕濕薄ee，立立雜雜乜都有d，鹵水味清香，唔會太咸。
瑤柱豆苗
風沙雞 肉滑皮香脆，水準不俗
海棠豆腐
街坊格局，地方整潔
有自家燒臘店，不過我當晚無食燒臘食品
一間鋪做廚房
全站熱搜
留言列表
香港食食食 (25)
