1/2018光顧
長沙灣一帶自從多左私樓，更多食店進駐，價錢亦拉高左好多，好彩仍然有經濟的食店。唔係經食友介紹都唔知呢度有間海南雞飯店。店子小小，幾迫夾，海南雞滑，油飯香。不俗的推介。有機會來試下豬手。
細細間小店內裡一眼見哂
一坐底問完幾多位就放低個welcome soup，青紅蘿蔔南瓜湯，湯好融又唔口渴，good
呀姐推介我食二人套餐，百零蚊，有湯有飯，兩餸再加碟菜，仲要連飲品，好過自己煮
似油畫調色盤的碟上放住雞同三款醬料，加埋伴菜木耳，幾cute。豉油味濃辣汁香，但薑蓉咸得來無薑味，差左d。雞肉嫩滑帶點咸，有雞味，油飯軟熟有油香，近期佳作。
咸魚煎肉餅份量足，咸魚夠香，肉餅有咬口，煎得香口唔油膩，不俗
全站熱搜
留言列表
香港食食食 (25)
