Foodie 生活雜誌

1/2018光顧

餐廳隱藏在小巷，店名好繞口，原來已開業7年。小店由兩位日藉師傅主理，再加一位好喜歡摺紙的侍應小姐，鐵三角，一腳踢，似家庭式料理。水準唔係好高，但食材新鮮度可以，最重要係極抵食，唔明點解仲要去食質素差的連鎖壽司店。餐廳逢星期日休息，假日開半晏，午餐至兩點，但侍應小姐話有時點半就關門，店主比較率性，去之前最好先致電查詢及訂位

地方細細，一眼見哂，無個室。有點住家的感覺

侍應小姐的摺紙，好靚。讚佢勁，佢話係有時無生意時摺，過下日晨，坦白得可愛。

午市套餐係貴價food court 咁嘅價錢，我二話不說，豪氣地點個最貴的，加埋一都唔使$400

每個餐都有蒸蛋同沙律

每個餐都有湯，入面有肥美魚肉

呢個球型便當，點來影想都抵😜實際係睇得又食得，分三層，最高層係熱食，鹽燒鰤魚，炒豚肉。中間五件壽司，用料唔差，有金目鯛、中拖羅、帶子。下層係刺身飯，其本的海膽、魷魚都有

隔離位兩夫婦見我眼望望，邀請我去影相。Daily lunch box 有飯及刺身，煮物每日不同$120，抵到喊。

sushi set $130