Foodie 生活雜誌

1/2019光顧

喺鹿兒島只係留左兩晚，無乜時間揾食，特色的白熊冰同熊襲鍋之前又試過，結果無乜心機揾食之下，當然亦無好下塲。去日本少不免要食餐燒牛肉，要食又當然要食日本牛，又想去間地道少少，千揀萬揀，揀左味來屋，結果係麻麻。地方係好地道，喺tabelog分數亦算高，可惜質素一般，有點失望，枉我仲專登拜託朋友為我越洋致電訂位（但唔訂又真係無位喎）。至於早餐，我好少喺酒店食，有時間都想試下不同的cafe，行過見到danken的toast 幾靚仔，又試下。芝士加toast無可能唔好食，麵包係日本一貫鬆軟的厚多士，加上不同的topping，好好味。

最後於中央站轉車時喺站內的food street食左個親子丼，水汪汪，不提也罷

12/2019 光顧 Number 9 coffee@尖沙咀

又多一間cafe 加入尖東戰圈，有時真係懷疑市場係咪容納到咁多咖啡店？店子小小，裝修清新簡約，肥威較薄身，早餐餐單唔吸引。餐廳樓上應該有旅行團必訪的店，因為我去的時間餐廳門外有旅行團不斷經過，好似好繁忙咁，我對餐廳印象麻麻，區內有不少出色咖啡店，所以呢間試過就算。

(睇個英文店名，店主應該對自家出品好有信心。店址已幾度易手，之前的店都做得不錯，可能因為加租而結業？希望今次做得長)

1/2019光顧

1/2019 光顧 舒房@北角

今日去觀鯨，聽講在觀鯨季節（5-9月）喺Husavik睇到鯨的機會率有90%，一於參加。太后怕暈船浪，加上喺紐西蘭睇過「咪睇隻嘢突個頭上來再落番水，有咩好睇？」所以佢送完我地船就返上車煲劇，我懷疑若有人問佢冰島有咩好做，佢會答 ：煲劇😓。

當日天陰陰，但好彩海面平靜，無暈船浪，我睇blog有d人遇到大浪，嘔到九彩。我地亦都幸運地睇到鯨 ，好開心。

1/2019光顧

再次來到鹿兒島魚類市場，可惜到達時又係店鋪已關，莫非真係要晨早8點前到訪？無得行市場，唯有直接去食早餐。我2016年曾經來過，市場外圍同食店一幢似乎翻新過。食堂提供的刺身好新鮮，食得出魚的鮮甜，讚。之後去JR中央站shopping，初初plan 行程時仲怕無嘢做，點知一個車站商場就KO左一個下午，最後連商店街都無時間行，女人的shopping 能力實在太可怕。午餐原本團友想食gram pancake，奈何要行去天文館至有，最後試左星乃咖啡館，出品不俗。全日本好多分店，叫做去左日本幾十次，但我居然係第一次食，以後去日本諗唔到食乜，一於走入靚靚商場的餐廳層，揾間出名的，一定無甩拖，因為佢地品質控制得好，出品間間一樣，唔會差太遠。

1/2019光顧

12/2018光顧

我唔想寫係咩隱世餐廳，但朋友車我去的時候我真係以為佢車我去賣。餐廳位置偏僻，最好揸車去，好多免費車位。我今次夜晚去，天氣又勁凍，只能坐室內，朋友話坐室外更好feel。食物質素不俗，唔會太重口味，但又不至於成為港式泰菜，計埋環境，值得一試。等我下次趁天未黑再來，但又會唔會比蚊咬呢？(港女心態)