Foodie 生活雜誌

再次來到鹿兒島魚類市場，可惜到達時又係店鋪已關，莫非真係要晨早8點前到訪？無得行市場，唯有直接去食早餐。我2016年曾經來過，市場外圍同食店一幢似乎翻新過。食堂提供的刺身好新鮮，食得出魚的鮮甜，讚。之後去JR中央站shopping，初初plan 行程時仲怕無嘢做，點知一個車站商場就KO左一個下午，最後連商店街都無時間行，女人的shopping 能力實在太可怕。午餐原本團友想食gram pancake，奈何要行去天文館至有，最後試左星乃咖啡館，出品不俗。全日本好多分店，叫做去左日本幾十次，但我居然係第一次食，以後去日本諗唔到食乜，一於走入靚靚商場的餐廳層，揾間出名的，一定無甩拖，因為佢地品質控制得好，出品間間一樣，唔會差太遠。

資訊 : 

新港食堂

地址 : 鹿兒島縣鹿兒島市城南町 37

電說 : 099-224-4564

上次鹿兒島遊記

https://hearoom.pixnet.net/blog/post/334578534

兩年前應該都係食呢間，不過今次來，店面好似擴大了。

團友們點刺身定食，我點左右下角的炸魚定食。喺上次已經想試個蜆汁，即係蜆仔麵豉湯，加埋兩條炸魚，好喜歡食呢d炸魚，肉質嫩滑，細細條但啖啖肉，炸得香口乾身，very good。見到隔離枱點左海膽刺身，一於死跟，可惜質素一般，可以不點。

食完後打算行市場，可惜已水盡鵝飛

四圍行，遇到另一批食客

魚市場對面係櫻島火山

兩年前來的時候，可以坐在石膊上遙望櫻島，而家起高左一倍，就咁企喺度係睇唔到櫻島，喺長長的圍牆中間有條梯，要爬上去至可以坐在防坡堤睇到櫻島近景。

shopping 半場休息，往星乃珈琲店醫肚，都好多人排隊㗎

咸甜點出品皆不俗，可惜今日的pancake 燶左d，但相信我，燶左都贏香港出品的成條街

鹿兒島的聖誕燈飾