Foodie 生活雜誌

1/2019光顧

開左好一段時間的拉麵店，外表紅彤彤，裝修懷舊，每次經過都有人排隊，我當晚無心水食店，見條隊又唔長，一於試下。一碗湯麵有湯底、麵條、叉燒、半熟蛋同筍，好多拉麵總會有部份做得好有部份做得唔好。不過呢度就整體都做得唔錯，湯底濃厚，帶點黏口但唔油膩，食完唔會太口渴，麵質軟硬度適中，叉燒肉質鬆化得來有咬口，厚薄適中，半熟蛋入味，蛋黃做到啫喱狀，筍干juicy脆口，雖然全碗麵唔會好突出，但要樣樣平均地有水準都唔容易，可以一試。

紅彤彤帶點懷舊的門面，小店有好多小裝飾及漫畫，好可愛實用，例如門口就有幅提你只收現金的女孩漫畫

門口有個扭蛋機，可以於排隊等位時玩下，$10一次，獎品係拉麵的配料，正在心想有無人會玩的時候，我隔離嗰位就入錢，原來真係有市場

排隊時侍應已遞上點麵紙點菜，慳時間。點麵紙好細心，比店員mark 埋客人係男定女，有無戴眼鏡

沙甸魚豚骨拉麵 一般的豬骨湯底，由於沙甸魚係魚味重的魚，我心想湯底應該會頗重魚味，但結果我又唔係好食得出魚味，不過湯底係不俗的。

燒海蝦味豚骨拉麵 朋友點，呷左一口湯，有蝦味但唔太濃烈，鋪上櫻花蝦可以加添香味。

拉麵店佈置好有日本庶民食店feel，大量漫畫poster，手繪漫畫，食客留言，動漫擺設，好有氣氛

好可愛的水煲