Foodie 生活雜誌

11/2018 光顧 

11/2018光顧

2018冰島丹麥遊 遊記篇 Day 4  Pakkhus Restaurant 

忘記去鑽石沙灘就係為左食龍蝦，好彩過左午餐時間仲有得食，其實冰島人幾勤力，餐廳中間無落場時間。龍蝦在Höfn 小鎮，鎮上有兩間著名食龍蝦的餐廳，分別係Humarhöfnin Veitingahús及我今次光顧的Pakkhus Restaurant 。其實兩間水準都應該差不多，我兩間都睇過，覺得Pakkhus Restaurant 感覺良好點就幫襯。冰島的所謂龍蝦其實係海螯蝦，比較細隻，同我地食開的波士頓龍蝦唔同，不過都鮮甜彈牙，最緊要係太后滿意，完成佢今次旅程中的其中一個目標。飯後開車往今晚進宿，從Höfn 往Eglisstadir 要翻過一個山頭，一進入小路已經見到前面的車爆左胎，暗暗心驚，小路係沙地，加上微雨大霧，路面又窄又斜又滑，就算見到景色不俗都無謂落車，免生危險，估唔到上到山上就見到有車跌左落斜坡，我地落車問有無需要幫手，司機應該係當地人，見佢都幾從容，見無嘢可以做到就離開了。今晚住大屋，自煮晚餐後悠悠閒hea下就瞓。

Jökulsárlón冰河湖絕對係冰島重要景點之一，感謝上天，今日終於賜我陽光，雖然之前天氣唔好，但去重要景點時有好天氣，感覺上天已經盡做。太后離遠見到冰川已經好開心，到左冰湖就更加自己行左去影相。我一早已book 左boat tour 遊冰湖，同太后揾左厠所，再交代集合地點就走，反正要唔見都會唔見。準時集合，換好衫就上船，坐住橡皮艇遊冰湖都係第一次，之前喺紐西蘭試過坐直升機行冰川，海陸空都集齊了。橡皮艇在浮冰間穿插，職員一路講解冰川生態，當然唔少得地球暖化問題，真係「冰川融化，人人有責」。我英文差，只聽得明一部份，反正唔多明，用心欣賞美景好了。

11/2018 光顧

11/2018光顧

11/2018 光顧

潮洲菜係我喜歡的菜系，不過好食的潮洲菜館似乎愈來愈少。曾經光顧此餐廳，覺得水準不俗，一直想再來，結果要幾年後至成事，等做我生意就死得。餐廳環境光猛整潔，有點迫夾，除左卡位以外，其他枱都係坐圓櫈，無咁舒適。今次再來，食物味道淡左，份量足，價錢實惠的街坊小店，仍然係我心水店之一。

11/2018 光顧

11/2018 光顧

11/2018 光顧 老上海飯店@灣仔

愈來愈多新派上海菜館，想食比較傳統的都係嗰幾間。老上海飯店無論裝修到食物都比較傳統，連侍應都上左年紀，感覺好有安全感。來來去去都係點熏蛋、獅子頭、賽螃蟹等小菜，穩穩陣陣，不過不失，一定唔會出事的菜館。