Foodie 生活雜誌

2/2019 光顧

鮨琥珀跟我之前食過的鮨中本屬同一集團，集團的鮨店以師傅為重心，鮨中本由中本師傅主理，之前試過，無回頭的衝動。鮨琥珀，即係呢間，就由千葉師傅主理。食友試過晚餐，大讚。不過午餐同晚餐分別應該好大，我就食唔到突出的地方，若以午餐來計，價錢較高，呢個水準，又真係吸引唔到我來食一個價值三千元以上的晚餐。

因為得一位師傅，暫時午餐只提供一款Omakase套餐，十二件壽司。遲下多一位師傅，會提供多一款套餐。晚餐只有一個Omakase 套餐，$2980起跳。

鮨店門面低調，店內只有壽司吧枱，十個座位左右，高級鮨店格局。

每人的碟都不一樣，今次我用富士山圖案碟，幾靚。

當日午餐連埋我，只得三位食客。應該因為新開，加上之前只做晚市，唔係咁多人知道有午餐。我又做孤獨試食家，隔離兩位客人自携清酒，佢地好客氣，請我飲左兩杯。呢枝八海山，客人話日本買三百幾蚊，香港餐廳點要千幾，我唔識，只知幾好飲。

餐廳提供陶器清酒杯選擇，隻隻都靚，花多眼亂

選左呢隻，沉穩中見高貴😜

前菜 酸汁海參，加上葱及蘿蔔蓉拌食

針魚 壽司造型靚， 魚肉彈牙，但欠魚味

師傅見我地飲酒，燒左條針魚魚皮比我地下酒，幾細心。魚皮酥脆。

魷魚 魷魚厚切有口感，沾上師傅自製的清酒梅子汁，可惜壽司wasabi太重，完全蓋過所有味道。其實第一貫已經有呢個問題，我忍唔住提出要減少wasabi，隔離的食客都有同感。

做壽司的刺身已切好，望落去有點乾，感覺麻麻

醬油赤身 醬油味輕，赤身質感不俗

中拖羅 有點乾，唔夠肥美

左口

魚 鮮得來帶點腥

三文魚子 紫菜好脆

赤鯥

蒸蛋 蛋上有梅子醬，師傅叫用匙將梅子醬插入蛋內，讓梅子醬溶化，再攪拌食，蛋內有海草，加點口感。

帆立貝 肉厚頗鮮甜

海膽 鹽水海膽，食到呢度，師傅開始放鬆，同我地傾下偈，解釋下盒裝海膽同鹽水海膽的分別，又話家下唔係海膽季節，只能食養殖塲的海膽，仲攞埋地圖解釋，可能佢知香港人對海膽最有興趣，投其所好？

花竹蝦  彈牙爽甜，高質👍🏻

鰻 全餐亮點，肉質綿密帶甜，讚

味噌汁 白麵豉好香，湯清甜，天真的我以為湯內有蟹肉，原來係蛋花😅

青柳貝 套餐以外另外贈送，滿足我貪小便宜的性格，可能因為係送，感覺特別好味，好鮮甜。

拖羅蓉捲 肥美

玉子 個餐開始無耐已見到佢放左喺枱後面，當然唔會有期望

師傅自製紅豆羊羹 無一般羊羹咁甜，因為師傅改用黑糖，紅豆都係煲完再自己磨，心機嘢。