Foodie 生活雜誌

3/2019光顧

幫襯開的鮨店放假，朋友推薦呢間。店址係從前幫襯過的鮨森，香港的鮨店多過米鋪，師傅如車輪轉，而家連鋪位都係咁🤣🤣午餐分三款價錢，食材多樣化，處理有心機，魚有魚味，價錢合理，師傅態度誠懇有禮貌，感覺良好。餐廳唔係高規格日本餐廳，唔夠整潔，似兄弟班的鮨店，但我覺得師傅有心機，稍嫌壽司飯濕左少少。

餐廳係從前鮨森的鋪位，外表都差。不多店內只有吧枱位，裝修以石材為主，燈光昏暗，較modern，唔係傳統日式裝修

當日到達時其他客人尚未到達，被安排坐右手邊的座位，面前師傅處理緊條吞拿，好混亂，我接受唔到，要求換位，師傅仲好唔明我點解要換位。

換位後一坐底，見到呢個血淋淋的場景，成個凶案現場咁，若果唔係用友盛讚，我真係想企起身走

驚嚇完畢， 開餐。水菜沙律 日式雜菜沙律，多款日式蔬菜

松葉蟹蒸蛋  蛋面放上蟹膏，好鮮，底部有蟹肉，好落本

魷魚刺身 柚子加淡雪鹽 魷魚光澤不足，唔夠鮮味

赤貝

蜜柑鯛 餐廳好有趣，某些魚會備有相片介紹，感覺有點奇怪，但又確係可以更形象化

丸小判 呢款魚未食過，魚肉韌度高，有咬勁

帆立貝 鮮甜，上面一點點係烘乾的豉油，入口會溶化為豉油，味道無特別，純粹好玩

鰤魚 熟成18日，魚味濃郁

銀雪魚 係我最唔喜歡的魚之一，油份重，但全無魚味

鬚長海老 醬汁用蝦膏熬製，味道香甜

小長井 我喜歡的日本蠔，喜歡佢夠爽甜，呢隻夠肥美但鮮甜度不足

甜蝦 配上烏魚子干，咸鮮味好突出，不俗的配搭

梭子魚 肥美

煙煄鯖魚 另一款我最唔喜歡的魚，不過今次用左煙燻處理，無左鯹味，可以接受

鰈魚裙邊 超肥美

中拖羅 14日熟成，肥美柔軟

赤海膽 味道鮮甜濃厚

蔥吞拿手捲

冬瓜卷 好少鮨店有做，因為好多工序，從前食過覺得好甜，但今次師傅話叫我試下佢手勢，當然欣然接受，冬瓜蓉唔太甜，感覺輕盈清新。唔知關唔關師傅出身於日航酒店嵯峨野，基本功較扎實？

師傅特別介紹呢隻海苔，話味道較濃。

海鮮味噌湯，唔多習慣用匙飲味噌湯

海鹽雪糕

午餐分三個價位，我食$680個餐，價錢合理，份量足，食材唔差，食得過。