Foodie 生活雜誌

3/2022光顧

之前經過，短短一條街居然有四間cafe，唯獨對呢間有點感覺，加上睇過有post介紹，又試下。cafe有正餐提供，除左一般黑白啡，亦有多款單品咖啡豆選擇，食物味道都可以，但咖啡唔啱我口味，無回頭的意欲。

蟹肉牛油果蓉三文治 

麵包可選panini或sourdough ，我選sourdough 。三文治好足料，厚厚的麵包上係香滑的牛油果蓉，再鋪滿蟹肉，滿到瀉。食材質量不俗，$98感覺貴左d，不過而家市價真係咁上下，要調整下心態，咪再嫌貴了。

招牌果醬吉士奶油水果多士 

朋友點，我無試，賣相幾靚，朋友無表示。

combo （espresso + cappuccino ）

因為點左正餐，飲品半價，所以揀個貴點的combo 。選左呢期幾hit又易入口的Ethiopia Guji suke，點知個espresso 係咸的，但落番cappuccino 就無事，咁即係咖啡師的問題了。個人感覺呢個combo唔適合我，首先係我唔鍾意飲espresso，其次係用呢d單品豆沖cappuccino 有點浪費，下次都係正正經經飲杯手沖或奶啡就好了。

熱朱古力，目測味道唔夠濃，但朋友無表示。

工業風裝修，都係長型格局，不過一列高枱感覺無咁迫，埋邊有普通枱

呢個coffee bar感覺專業，但我杯espresso係咸的，我唔接受。因為唔識，飲的時候只覺懷疑，加上同朋友傾偈，唔想分心，回家後問G神，知道咖啡係有咸味的，但咸得咁突出就係一杯差的咖啡。好少飲到咸味咁出的咖啡，對上一杯係喺simply life飲到，印象好深。

例牌自家品牌product

單品咖啡餐牌，特別在餐牌上所有的咖啡豆都有得賣，仲有埋每包咖啡豆的價錢，啱飲可以買埋走。