close
今日係行程最後一天，hea 住遊。早上在旅館嘆到十點幾先離開，呢個時候開始落雨，對於呢塲雨我好感恩，感謝上天在我去完哂重點行程先落雨。回到高松行瀨户大橋去倉敷，之後發現其實可以坐船去岡山，慳番半小時車程，不過行埋呢條橋感覺會更圓滿，因為兩條大橋都係跨過瀨戶內海連接四國，在我心目中，行哂先至係一圈遊。
再見小豆島
落雨都感恩
自製藝術祭check point 表，睇左二十幾個，約五分一，都唔錯丫
回到高松求其揾間燒肉店，價錢平水準又不俗，團友們食得好滿足。之後直去倉敷，唔明白時間點解過得咁快，去到已經四點，部分店鋪都關門了。倉敷美觀地圖之前已來過，覺得幾靚，所以帶團友來行一轉，順道買番幾包咖啡豆，上次飲完覺得唔錯。
牛牛牛
過埋呢條橋就圓滿了
紫藤初見
老好倉敷
下次不如夏或秋來？
街角留影
原來倉敷牛仔布好出名
I love 桃
牛仔藍雪糕都比佢諗到
之前買過呢間咖啡豆，因為好飲所以再買！
之後去今晚落腳點 : 尾道。尾道係一個小市鎮，近年以發展單車遊同活化舊屋吸引遊客，到達尾道時已天黑，不過對我影響不大，我住呢度係因為順路明日去機場，唔使特登回廣島再去機場。加上要入住間型仔酒店，對於我，不同的住宿都係景點之一。入夜去到小鎮最煩惱係揾食，雖然之前兩間温泉酒店都食得唔錯，但最後一餐總想食好d，加上團友對首日的廣島蠔念念不忘，經酒店職員介紹去左間西餐廳，因為之前唔信職員四圍揾，担誤左時間，來到已經係last call，點知生蠔同其他食品都好美味，結果last call 後又last call。回酒店去酒吧嘆個免費welcome drink 後就回房瞓了。
文章標籤
全站熱搜
留言列表
香港食食食 (25)
