Foodie 生活雜誌

7/2020光顧

ZEST 分兩層樓， 28/F食fine dining，29/F食輕食便當。上次試左fine dining 好滿意，今次試埋輕食。29/F 裝修morden ，有露台座位，日頭光線充足舒適，晚上變身成天枱酒吧，好chill。簡單便當都唔馬虎，侍應態度親切，除左食物仲食環境食服務，所以價錢係高少少。

7/2020光顧

記憶中係叫犇之食堂，可能犇字唔係太多人識讀？所以直接改為奔之食堂。時常經過銅鑼灣店，吸引我的係田園風裝修，但總覺得係食裝修的店。今次去尖沙咀店，食完後確認左我的感覺是對的，不過好在位置偏僻，唔多人，去飲杯嘢坐下都唔錯。

6/2020光顧

6/2020 光顧

6/2020光顧

點心精緻，配搭有心思，味道不濃不淡，剛剛好。點心通常一客三件，個別點心可以遂件點，兩位起，好似我今次兩個人就唔使夾硬食三件。

6/2020光顧

餐廳Roganic主打有機餐單，Aulis 係餐廳Roganic 內的chef table，對有機食物興趣不大，總覺得唔好食，後來睇過一篇介紹，感覺良好，一於試下。chef table 只得9個座位，chef喺你面前準備餐點，食材大部分預先製作好，只係喺你煎下砌就上碟。食物美味，擺碟好raw但好靚，chef同助手動作利落乾淨，一眼關七，見到有滴水都立即抹乾淨，非常衛生企理，整個用餐過程感覺好好，值得一試。不過全程要聽英文，對於我係一個負擔，所以有d sauce 都唔知係乜。問過餐廳，餐牌唔會成日轉，因為所有食物的準備功夫較多，若轉menu都未必會整個餐牌轉，所以雖然想再試，但應該都要等一排先。餐廳訂位時要收信用卡資料，另外建議訂位前先查詢餐單。

6/2020 光顧

如今咖啡店開得如雨後春筍，但有興趣的唔多，都係幫襯番舊店。Cupping room 係早一批的咖啡店，去過灣仔及中環店，質素不俗，分店愈開愈多，呢間Doubleshot 係cafe 與酒吧混合版，裝修夠hip。我當日經過坐低飲杯咖啡，疫情期間都好多人，地方細細，樓底矮，坐位迫，有點壓迫感，似pub多過似cafe，係see and be seen 的地方。睇隔離枱的食物攞盤幾靚，不過間cafe的感覺唔啱我，去過就算。

6/2020光顧

元朗大熱咖啡店，食物及咖啡都有水準，受歡迎係好正常，搬左新店，入去八卦下，估唔到平日4點都係要排隊。新店地方大左濶落左，仍舊以一排咖啡用具作主要裝飾，新店特別在有企位，不過我係老人家，都係要坐。waffle 仍然好味，apple crumble 都唔錯，咖啡當然繼續好。cafe應該係愛啡之人喺元朗的不二之選，我好喜歡個waffle，但作為區外客的我，要千里迢迢入來，仲要排長龍至食到就無謂了。

5/2020光顧

5/2020光顧

又比朋友叫左去食蘋果批，平時唔食蘋果批的我，食左呢個印象改觀 : 原來蘋果批都幾好味👍🏻