Foodie 生活雜誌

6/2020光顧

餐廳Roganic主打有機餐單，Aulis 係餐廳Roganic 內的chef table，對有機食物興趣不大，總覺得唔好食，後來睇過一篇介紹，感覺良好，一於試下。chef table 只得9個座位，chef喺你面前準備餐點，食材大部分預先製作好，只係喺你煎下砌就上碟。食物美味，擺碟好raw但好靚，chef同助手動作利落乾淨，一眼關七，見到有滴水都立即抹乾淨，非常衛生企理，整個用餐過程感覺好好，值得一試。不過全程要聽英文，對於我係一個負擔，所以有d sauce 都唔知係乜。問過餐廳，餐牌唔會成日轉，因為所有食物的準備功夫較多，若轉menu都未必會整個餐牌轉，所以雖然想再試，但應該都要等一排先。餐廳訂位時要收信用卡資料，另外建議訂位前先查詢餐單。

南瓜tart 配南瓜紅茶菌，清新。紅茶菌即係酵素之類的飲品，總之就係健康嘢。

呢期好興的紅茶菌，自家製

truffle pudding 布甸軟綿綿，煎完後牛油香及松露香出哂嚟，再喺布甸上加上濃郁的松露醬，好味。

truffle pudding 放喺有乾葉同乾菌的碗內，好有秋意

海膽custard 上放上魚子，海膽鮮甜，好滑好香，加魚子更添咸香

加入黑啤做的sourdough，酸種及酵母味香，涂上鋪上碎nuts 的mushroom 醬，香滑味濃，食到唔停口，但怕食唔落之後的食物，食一半就停口，真係想打包。

暖沙律 grill蔬菜，甜得來帶點焦香味，cream sauce帶酸，幾好味

煙鱈魚，好滑，上面放塊薄雞皮，呢期好似好興雞皮，不同廚師整的都試過。

煎豬里肌 以鼠尾草sage加入油內煎香再焗，舊肉充滿香氣，豬肉juicy，上面的舞茸菇味道濃郁，原來經過兩次冷壓處理。

甜品 aulis parfait，似一個金色徽章，配綠色的無花果葉油，賣相好靚，帶點雲尼拿味的parfait好滑，雖然對於我係徧甜，但都食得開心

黑啤做的雪芭下面係濃濃的朱古力醬及黑蒜，黑蒜脆口，三款濃味的食物雖然口感及温度不同，卻出奇地合拍，好好味

最後係冬甩及茶，原味冬甩口感煙靭。

即席沏茶，茶具都好靚，以白茶及米香普洱作結，帶點禪意，滿意的一餐。

餐廳喺Sino Plaza，位置幾隱蔽，要穿過走廊至見到，自成一角，採取開放式設計，空間感更大。呢度係餐廳，chef table 喺另一個地方

以食材做裝飾，好organic

自家栽種香草，高科技

與chef table room相連的廚房

chef table。廚房線條簡潔時尚，非常整潔，食得放心

廚師在面前烹調食物

洗手間的裝飾都係用天然風，提供磨砂洗手液，好啱心水。

sage cream strong taste mushroom press 2 times