Foodie 生活雜誌

8/2021

小店生意興隆，細鋪搬大鋪，從街角鋪位搬前少少到現鋪，出品仍保持水準，可惜收得早，只營業至晚上7點，老闆話請唔到人，唔想做得咁辛苦，咁又係，做人咁辛苦為乜？夠使夠食就好了。小店內好多可愛的小豬裝飾，但一見到面前的豬雜麵就有點心虛，一方面話人地可愛另一方面連內臟都食埋，做人真矛盾。

9/2021光顧

太后愛食蟹，趁大閘蟹時節，同佢食個大閘蟹餐。見到餐廳套餐菜式幾有心思，即管試下。食物味道一般，成個餐食左好多蟹粉，但蟹粉味道唔夠濃，大閘蟹質素一隻好一隻麻麻，好彩太后開正好嗰隻，我都係為搏鳳顏一笑啫。太后評語 ： 套餐質素可以，但價錢太貴，若減價三份一就合理。今次我同意。

8/2021 光顧

8/2021光顧

口啤不俗的西班牙餐廳，以食Tapas 為主，多款tapas 選擇，每款細細碟，價錢合理，無負擔地任點，加埋飲品，食完都唔肉赤。餐廳氣氛好，食材多樣化，食物味道好，侍應友善，唯一缺點又係限時兩個鐘，不過當日餐廳無滿坐，我早左到都比入，可以坐耐點。

8/2021 光顧

Cafe 裝修充滿日本襌意，有埋幅枯山水，好有意境，似茶室多過似飲咖啡。但我第一個感覺係 ：唔好坐。坐位全部靠牆單邊位，似茶室的setting，但好睇唔好使，枱仔細細，飲杯嘢就無問題，若食埋嘢就唔夠擺，要加張櫈，無哂feel。我都係慕名而去食tiramisu，蛋糕係合格的，但唔使特登去食囉。

8/2021 光顧

餐廳做割烹套餐，午餐同晚餐menu一樣，分兩款餐，tasting menu 及Omakase Menu，今次我試午餐Tasting menu。食材高質烹調用心，雖然未至於驚艷，但感到滿意，價錢唔平仍物有所值，有機會再來試另一個餐。師傅會喺食客面前烹調食物，一路睇住都幾有趣，日本師傅同兩個助手都幾靚仔😁，侍應詳細講解食物及餐具的資料，令我長知識，態度友善又唔覺煩，一個好侍應對一間餐廳真係好有影響。

8/2021光顧

網上評價不俗，餐廳喺尖東的商場內，由韓國人經營，店內播放住韓劇的OST，電視又播韓國的綜藝節目，好有韓國feel，餐廳感覺幾地道，食物都唔錯，價錢合理，不過限時個半鐘，食得好趕，無時間細心品嘗味道，唔記得咩味了，不過肯定唔係差。

8/2021光顧

8/2021光顧

好多cafe都開11點，對於晨型人的我唔多啱，呢間開8點就合心水了。食物及飲品選擇多，手沖咖啡都有8款揀，餐點大大份，味道不俗。落單全部電腦化，好方便。不過餐廳又係限時個半鐘，因為我10點就坐低，坐到12點都未叫我走，不過我見客人漸多，都醒水打算走人，點知侍應行過木口木面地放低張單叫我埋單，呢下我有點反感，不過香港就係咁，唔鍾意唔好幫襯吖笨😜

8/2021 光顧

餐廳喺K11 Musea 內，最吸引我的唔係間餐廳，係任何電子消費可享5小時免費泊車。餐廳定位幾特別，分別喺尖沙咀同荃灣都有分店，目標客群都幾廣泛，又可能係城市一體化，每區客路都一樣？餐廳水準非常一般，食物温吞吞的，味道半淡不濃，唔知想點，咖啡蛋糕都麻麻，咁樣食左幾舊水，去food court 食個包好過。唯一值得一提的係坐喺露天座位的感覺不錯。