Foodie 生活雜誌

7/2021光顧

朋友落order : 「金鐘至銅鑼灣，要坐得好，食物味道唔太差」一個好似無要求的要求，其實唔容易，因為朋友的「坐得好」唔係一般的好，加上下午兩點至食，想食的餐廳好多三點後休息，我地要坐足一個下午，選擇已經少左好多，又估唔到平日的下午都好難揾位，結果只剩Conrad Hotel 的lobby lounge，去到見到大把位。食完就明白點解咁多位，因為質素認真麻麻，好彩尚算坐得舒服。

7/2021光顧

老字號火鍋店，我第一次來。對我來講，呢個價位的火鍋店食材水準間間差不多，分別在擺盤有無雕花。我係實際人，最緊要食材新鮮，環境乾淨舒適，招呼好就得。呢間餐廳做得到以上要求，自家制餃子及肉丸都唔錯，不過每碟份量比較細，四個人食都要起孖。

6/2021 光顧

6/2021光顧

6/2021

太后愛食鰻魚飯，我當然唔會求其，一定要係炭燒日本鰻魚至會帶佢食，見到呢間乎合要求，先去試食。餐廳跟鮨佐瀨同一集團，喺鮨佐瀨旁邊間出細細間，連吧枱得十五個位。午市提供多款午餐，套餐唔包甜品飲品，試左鰻魚飯套餐及幾款小食，唔算驚喜但整體滿意，師傅友善細心，揀選時令食材做前菜，幾有心思，可以帶太后來會下。

6/2021 光顧

富小路品牌的燒肉店，原本以為自己訂左另一間鐵板燒店，去到門口至知搞錯，真係book位book到亂哂大籠。餐廳喺謬思商場6樓，外接露天花園，環境好開陽，坐得舒適。午市有多款定食選擇，可燒（肉）可唔燒，價錢合理，牛質素都唔錯，可以一試。

6/2021 光顧

近年愛上居酒屋，可能食量細左（？），有時同三五知己，開支酒，點幾款下酒菜，談天說地一餐，不亦樂乎。呢間居酒屋好有人氣，提供沖繩食品，當晚點左多款小食，全部由侍應介紹，食物食材新鮮，味道好，花款多，但串燒則一般。侍應友善，不過訂位幾full ，最好兩星期前預約。

6/2021光顧

想試酒店的班尼迪好耐，但唔多捨得，之前試過餐廳的weekend brunch，印象良好，決定試下。食材一樣高質，食物精緻美味，侍應細心服務好，一早來到靜靜的嘆個高質早餐，感覺良好。早餐有‘SOMM breakfast ‘ 同 ‘Bubbly Breakfast’兩款選擇，’不過就如侍應所講， ‘Bubbly Breakfast’通常食唔哂，所以我選SOMM breakfast。早餐限時個半鐘，為左準備weekend brunch，10:30要還枱，不過我見有客人10:00至入來，莫非對好多人來講，一個幾百蚊的早餐就如大快樂一樣，係一個快餐？

6/2021光顧

次次星期六中午經過餐廳都坐滿，鬼多過人，今次閒日夜晚經過見有位，試下先。餐牌上好多burrata cheese 的菜式，應該係主打。當晚點左ham and cheese 拼盤，兩個手工pasta，食物唔錯，價錢合理，餐廳氣氛輕鬆，侍應親切有禮，不俗的地方。

5/2021 光顧

咖啡店都有潮流，之前係北歐feel，近排興日系咖啡店。行過見到呢間幾骨子，入去飲杯啡。cafe 合我心水，有飲有食，裝修及用具都幾靚，有機會來食個餐。