Foodie 生活雜誌

6/2021

太后愛食鰻魚飯，我當然唔會求其，一定要係炭燒日本鰻魚至會帶佢食，見到呢間乎合要求，先去試食。餐廳跟鮨佐瀨同一集團，喺鮨佐瀨旁邊間出細細間，連吧枱得十五個位。午市提供多款午餐，套餐唔包甜品飲品，試左鰻魚飯套餐及幾款小食，唔算驚喜但整體滿意，師傅友善細心，揀選時令食材做前菜，幾有心思，可以帶太后來會下。

套餐前菜、刺身、蒸蛋。醋漬髮菜內有山椒醃的小魚，幾好味

吞拿刺身，迷你番茄好清甜

活鰻

師傅友善，比我入去廚房影個爐

枱上有濃鰻魚汁配鰻魚，淡鰻魚汁配飯，仲有山椒，但我覺得鰻魚浸汁燒完後已夠味，唔使再加，我只加左少少山椒粉添香。

鹿兒島產鰻重 標榜用日本活鰻，備長炭燒。鰻魚唔夠肥美，雖然話係炭燒，其實已經喺廚房整熟，出來係咁二喺炭爐上燒兩燒，炭燒味唔夠，有點取巧，普通一個鰻魚重。

鰻魚肝清湯

水茄子，旬之味，水茄子係茄子中唯一可生食的茄子，味道清新水份重，配金山寺麥及辣椒製成的味噌醬食，一濃一淡，好夾

食完飯想試多少少嘢，師傅比左幾個選擇我，我揀左三樣，但又嫌太多，師傅從善如流，將小菜拼盤同炸蟹二合一，等我試多幾款。

前菜拼盤，本身提供比懷石套餐，醋漬海膽蓴菜、baby corn 加八爪魚山椒葉、榮螺、枝豆加帶子山芋蛋，炸蟹

季節小蟹，炸活蟹細細隻。

原本一客四隻，用慢火炸，炸得脆香，入面有膏，有蟹味，不過食時蟹爪參口，要小心

地下一層都係鮨瀨佐同蟹道野田，鮨瀨佐佔1.5個鋪位

蟹道野田同鮨瀨佐些牙一個鋪位

小店一眼見哂，三個吧枱位加四張枱

吧枱頂的大蟹好搶眼

餐廳喺雪廠街尾，喺景點古典樓梯旁邊行入商厦坐𨋢去G/F