Foodie 生活雜誌

6/2021光顧

想試酒店的班尼迪好耐，但唔多捨得，之前試過餐廳的weekend brunch，印象良好，決定試下。食材一樣高質，食物精緻美味，侍應細心服務好，一早來到靜靜的嘆個高質早餐，感覺良好。早餐有‘SOMM breakfast ‘ 同 ‘Bubbly Breakfast’兩款選擇，’不過就如侍應所講， ‘Bubbly Breakfast’通常食唔哂，所以我選SOMM breakfast。早餐限時個半鐘，為左準備weekend brunch，10:30要還枱，不過我見有客人10:00至入來，莫非對好多人來講，一個幾百蚊的早餐就如大快樂一樣，係一個快餐？

果汁有cold press 青蘋果西芹莧菜及橙甘旬薑選擇，我地兩個人食，揀哂佢，我一向怕飲蔬果汁，但呢兩杯味道又幾清新，唔錯喎

麵包 有牛角包或酸種麵包選擇，我地每人點一款。

牛角包配法國BORDIER木桶手打牛油，我梗係唔知點好法，只覺幾香幾滑，牛角包酥軟，有空氣感，太后滿意

我選穀麥酸種麵包(另有plain 口味)，配新鮮果醬及高貴牛油

牛油果露筍加poach egg，仲有青豆，食材鮮嫩，side dish 烟肉juicy

露筍班尼迪，好耐無食過用muffin做底的班尼迪，poach egg蛋汁濃，荷蘭汁味道及濃稠剛好，配乾火腿及幾片truffle 增添味道增次又唔heavy，，一個滿意的班尼迪。不過side dish 配牛油果就有點失策，因為無為意太后點左牛油果，早知食薯餅。

咖啡一般

SOMM breakfast’有果汁、熱飲、麵包、一款甜盤或一款咸盤加side dish。

’Bubbly Breakfast’ 有果汁、熱飲、香檳或紅茶菌，一款甜盤及一款咸盤加side dish