Foodie 生活雜誌

8/2021 光顧

Cafe 裝修充滿日本襌意，有埋幅枯山水，好有意境，似茶室多過似飲咖啡。但我第一個感覺係 ：唔好坐。坐位全部靠牆單邊位，似茶室的setting，但好睇唔好使，枱仔細細，飲杯嘢就無問題，若食埋嘢就唔夠擺，要加張櫈，無哂feel。我都係慕名而去食tiramisu，蛋糕係合格的，但唔使特登去食囉。

肥威，咖啡濃厚

提拉米蘇 雖然味道唔突出，但起碼有酒味又濕濕地，真係一個提拉米蘇，好過好多坊間的咖啡蛋糕式提拉米蘇。

cafe 門面的玻璃𥖁唔多靚，室內睇就好好多，有自然光源，襯上室內的黑，營造氣氛。室內呈長方型

全部座位靠牆坐，年輕人可能覺得有型，但我老人家就就唔多習慣。

cafe盡頭有個幅枯山水，打咭熱點，我去當日cafe坐滿人，點解我可以影到張無人的相？原因係當日發現左隻小強喺牆上，所有美眉立即四散，雖然小強走左，但美眉們猶有餘悸，未敢再坐埋嚟，咁我就執平嘢影到張無人相。我又唔怕小強，

驚嚇過後成地砂，當時真係幾混亂🤪

櫈上的小枱好細，點多樣食物都要放小枱