close
8/2021光顧
好多cafe都開11點，對於晨型人的我唔多啱，呢間開8點就合心水了。食物及飲品選擇多，手沖咖啡都有8款揀，餐點大大份，味道不俗。落單全部電腦化，好方便。不過餐廳又係限時個半鐘，因為我10點就坐低，坐到12點都未叫我走，不過我見客人漸多，都醒水打算走人，點知侍應行過木口木面地放低張單叫我埋單，呢下我有點反感，不過香港就係咁，唔鍾意唔好幫襯吖笨😜
食物擺盤靚，將大大舊的食物放埋一齊，睇落又靚又豐富，但食起來其實好呢hea，唔得細緻。
原本晨咁早就唔應該咁heavy，但見豬腩肉班尼迪幾吸引，受不住誘惑。食材不俗。豬腩肉爽口唔膩，隻蛋都處理得幾好。
咖啡偏酸，但可以接受
電子落單，選擇分得好仔細，好細心。
多款咖啡豆選擇
餐廳幾大間，唔算太迫，一早來更舒服
全站熱搜
留言列表
香港食食食 (25)
