Foodie 生活雜誌

The blossom hibiya@東京

去日本一定食串燒，試過上網揾定資料，試過酒店介紹，試過walk in，咁多間都無甩轆，我估日後都唔需要特別揀。講番間餐廳，用備長炭燒，火喉足，有焦香味，多款部位選擇，店員亦盡力講英文翻譯，招呼唔錯，飲飽食醉每人都唔使三舊，好抵食，不過收得比較早，十點就關門了。

今次出遊的重點係浸溫泉，其餘時間喺東京行街食飯，無乜行程。不過有❤️的餐廳試過唔錯，有興趣的可以一試☺️

2023日本東京箱根遊

好耐無試過披星戴月的出發，駕駛員仍然做駕駛員，不過因為今次係姊妹淘旅行團，所以駕駛員只限香港部份接送了。去日本通常坐九點零十點的機，過到去兩點幾，仲有大半日，時間好似幾好使，但就要好早起身，加上我有旅行緊張症，結果成晚無乜點瞓。最理想應該係十一點零鐘機，去到酒店check in 後食晚飯再番酒店反而仲舒服。

1/2023光顧

飲茶係新年的節目之一，所以呢餐係一個星期內第三次飲茶。一般酒樓店心味道，只係燒賣太多肥豬肉、馬豆糕的豆太硬，豬手咬唔開，豉油雞見紅僅僅熟，小籠包入面無湯，蝦餃皮太厚…….咁係咪即係唔使去?

1/2023光顧

西貢出名咖啡店，行過總係好多人，未有機會幫襯，如今西環再開分店，太后識貨，行過影相比我話要食，當然要做嘢。為免排隊，10:30就來到。可惜食物唔多啱口味，食價比低，招呼亦麻麻，試過就算。

喜歡食bagel，去過cafe Bforbagel by 404 LOT FINE，幾喜歡佢地出品的bagel，原來有得網上訂，有多款口味，可以放喺冰箱保存一個月，喺食之前的一日放喺雪櫃下格解凍，再焗番熱就得。上次訂左多款口味，有甜有咸，款款都唔錯。小店不時有新口味，有興趣可以試下

老牌cafe 連鎖店，香港都有開分店，我估以前閃閃書一定有介紹，但我唔太喜歡去連鎖店，所以咁多年都無去過。今次落機後饑不擇食，求其揾間就算，當日五點幾鐘都仲要等位，真係咁受歡迎？可能因為太肚餓，乜都有點，咸甜食都唔錯，似乎我要打破對連鎖店的徧見。

1/2023光顧

點心質素高，賣相平實但質量扎實，雖然係酒店級價錢，但出品水準比好多酒店高。

1/2023光顧

唔係朋友仔介紹都唔知小巷內有間小菜館。街坊格局，實實在在，小菜有鑊氣，重油水重口味，大牌檔本色，煲仔飯夠火喉，價錢實惠，難怪大排長龍。不過出品較油膩，頭兩昧都覺得唔錯，但愈食愈滯，幾重負擔。