總係對Pixar 的電影充滿期待，亦從未令我失望。今次電影以墨西哥亡靈節為背景，透過男孩一夜的經歷，講述追尋理想、家族傳統及生死觀念。全片色彩繽紛，熱鬧非常，帶住濃厚墨西哥色彩的極樂園塲景簡直係fantastic。全片令我最深刻的體會係遺忘。遺忘，可能係對一個人最大的懲罰，無論如何憎，如何恨，起碼仍記得你，選擇遺忘，就係將你拒於門外，我的世界再沒有你，那管你灰飛煙滅。原來一個神主牌係咁重要，代表你在家族中仍有一個位置，仍有後人記得，就算去到另一個世界，你仍然會永遠活在家人心中。但話分兩頭，若死後另一個世界同在生的世界係無分別，不就等如一直的「活」下去？咁又會唔會太攰？到時可能又會寧願灰飛煙滅了，我就係咁矛盾。
11/2017光顧
貴價小食店，菜式係墨西哥加日式fusion ，每道菜都小巧精緻，材料新鮮，配搭有新意，味道複雜，醒胃刺激。餐廳不設訂座，要人齊至可以入座，侍應態度友善，但手快腳快，有點好似想催你埋單的感覺，味道係好，但值唔值得就見人見智，喜歡新鮮感的不妨一試。
11/2017 光顧
家陣食火鍋真係好多選擇，材料新鮮係必然，相機食先更重要，就好似呢間火鍋店，餐具及擺碟都好浮誇，好彩睇得又食得。材料新鮮，食物有新意。若果唔點海鮮，價錢都可以接受。不過限時交枱，用餐時間分兩輪，6-9同9點後，有點掃興。
(門面真係好有國內feel)
10/2017光顧
香港食食食 (25) 遊世界 (0) 漫步香港 (3) 小書架 (1) 私影院 (1)
