Foodie 生活雜誌

今日去京都，先去三户室寺睇繡球花，因為下一班巴士要等成個幾鐘，所以捉左太后去搭的士。太后咁慳家，成日話的士個錶跳得快過佢心跳，所以短短車程見佢坐得唔安樂，因為怕貴😓(結果價錢係千八yen)。去到三户室寺見到一大片繡球花，太后即時開心哂，佢好叻，上埋樓梯去寺廟睇荷花。

睇完花就出番市區行街，好彩剛好有巴士。京都真係一個好地方，街頭巷尾的町屋的式精緻 ，比起東京的熱鬧先進，大阪的粗獷雜亂，我更喜歡京都的低調雅致。短短行下三条小街已經令我非常恰意，太后都幾鍾意。不過時裝小店又點會係佢杯茶？我當然要同佢去錦市場。見佢左貢右貢，問佢攰唔攰，要唔要番酒店，佢居然話繼續逛。結果原定五點番酒店，最後要九點至到。喺附近超市草草地買左飯團生果當晚餐就算了。今日行左兩萬步，辛苦太后了。

一早食個連鎖餐廳早餐，質素不俗👍🏻

坐的士去

綉球花季節，寺外有攤位活動，幾熱鬧

喺山上影落去已見到綉球花盛放，放心了。

之前來過，記得本堂外有一片蓮花，因為有好多梯級，所以小的先上視察環境，影相比太后睇佢有興趣至上去。

太后好叻，慢慢行上去，睇到大大朵花花好開心。

水中綉球

之後逛花園，日本庭園之美

漫山都係綉球

好大朵花

民居都種左好多綉球，我最鍾意呢款，好似雪糕筒咁

午餐喺美美卯食時令鱧魚天婦羅烏冬，質素普通，記得以前攞住閃閃書旅行的日子都食過😆

當然一定要去45R朝聖

無時間，只能怱怱行下三条，好鍾意，決定下次直接住京都，唔去大阪了。呢間花店加cafe，讓我一秒愛上

小街好舒服，店鋪都好啱我品味。

錦市場好熱鬧，好多小食攤位，以前食蠔的店都新裝修了。

又行到日落

是日晚餐