Foodie 生活雜誌

8/2020光顧

餐廳喺錦屏街盡頭，我對佢一見鍾情，決定點都要幫襯。室內佈置帶有西洋懷舊氣息，好精緻，可惜「因為疫情關係」間哂板，失色不少，要打咭要就下角度了。一早來到諗住食早餐，點知星期日早上只得咖啡及甜品供應，lunch要12:00至有。一塲來到，點都飲杯咖啡至走，點知坐坐下坐到午餐時間，食埋至走，結果飲左兩杯咖啡，之後又再來食早餐。食物飲品及環境都不俗的餐廳，可以一試。

肥威 幾香滑，但我想再濃d

套餐可選湯或沙律，我選藜麥沙律，配料有石榴子、薄青瓜、果仁，醍魚，豐富又好味，估唔到咁認真。

套餐主菜 咖喱羊肉配印度香米 香草乳酪醬。咖哩飯內有羊肉、九層塔、番茄、花生，好多配料。香料飯最啱配羊肉，味道温和易接受，幾好味

套餐飲品 Long black 帶一點酸味，好飲過肥威喎。不過份量好似比人飲左一半咁。

之後又去食早餐，餐牌上有多士、穀物同沙律選擇。

牛油果feta cheese toast 食材有質素，牛油果有醬有切片，有心機。sourdough 多士烤得有點硬，旁邊的乳酪醬感覺健康。

買埋外賣

餐廳喺錦屏街盡頭，雖然呢條街都變得熱鬧了，但喺盡頭點都比較清靜點。

室內係西洋古典風與現代風混合，有好多植物點綴，好靚，不過坐滿會幾迫。非常時期間哂板，有點煞風景，若用透明板會好d，不過無辦法了。

好多不同款的櫈，不同的燈。氣氛不俗

疫情下的自閉位

自家咖啡豆

自己有炒豆機

店外空地都有座位，佈置得幾骨子

用young living Thieves 洗手液，有要求👍