Foodie 生活雜誌

今日又係老爺的受難日，6小時長途車，始終成車婦孺，老爺想盡量喺入黑前到達，所以見佢都有點緊張。但無可能六小時直踩，就算揸車的捱得住，小朋友都頂唔住，所以中途去左有塘鵝睇的 Entrance 鬆一鬆，仲食 左個好好味的炸海鮮盤。

一早自備早餐上車食，再攞埋昨日訂的muffin就起程

中途買左一杯奶奶話全程最好飲的咖啡

在路上

少爺仔瞓，即係我有得休息

Entrance ，大大隻塘鵝標誌

沙洲上的小鳥

沙洲上的大鳥

大哥大

其實再行遠d有條沙路駁去另一個沙洲，好靚，可惜我無時間去，唯有盡影

呢個海鮮盆好好味👍🏻

小朋友都鬆一鬆

之後再起程，去到目的地已天黑，小朋友又餓又累，喺呢個時候，奇蹟地比我喺小鎮內唯一的街道上揾到一間晚上8點都未關門的日本餐廳！仲要有飯食！要知道無飯不歡的小老闆已經7日無食過飯，靚媽即時開心到狂影個電飯煲同碗飯！幾驚比人以為佢有精神病。

靚媽狂影白飯

飯後大家滿足地離開，估唔到好戲在後頭，返回大屋安頓好，今晚竟然被我喺大屋後園睇到銀河！拿拿聲入屋攞張氈出去鋪喺草地上，同少爺仔一齊躺在上面欣賞星河，好夢幻 (其他人話凍，睇左一陣就就入去，最後都只剩下老爺努力地影相)。旅行最有趣之處係你永遠唔知有咩精彩事情等緊你。

上天賜我的禮物 ： 觀賞銀河

有流星呀！見到嗎？

銀河

心醉了，好感恩

小趣事 ：

回港後同少爺仔講起嗰晚銀河的美麗

我 : 少爺仔，記得我地見到好靚的銀河嗎？

少爺仔 (笑住𥄫哂頭): 記得！

我 : 唉，唔知你大個左仲會唔會記得

少爺仔誠實地講 : 我會唔記得㗎喇

可能佢見我一臉失落，甜甜地同我講 : 到時你提我咪得囉😊

真係氹死人😍😍