Foodie 生活雜誌

4/2018光顧

之前間中會去飲茶食晚餐，但自從某次點心嚴重失準之從就再無去，要知道香港食店選擇多，我無理由再幫襯一間價錢唔平又唔好食的餐廳。近日朋友話水準不俗，加上有飯腳要求要坐得舒服，唔限用餐時間，就想起呢間。一入門口發覺係新裝修，燈光昏暗，帶點工業風，唔多適合食中菜，從前光猛d仲好。好在食物水準不俗 ，從七點坐到十一點，舒舒服服唔使轉場，幾個好友傾餐飽，渡過一個愉快的晚上。

室內燈光昏暗，又唔係新派中菜，有點唔習慣。

三味弄豆腐 三味分別係凍豆腐配咸蛋黃、煎豆腐配泰式醬、滷水炸豆腐，另有拍青瓜，賣相好精緻，但味道唔突出

蜜汁叉燒 餐廳招牌菜，蜜味香，叉燒肉質鬆軟，燒得燶燶地，好香

松露山珍木桶雞 雞肉帶點咸，肉質柔軟有咬口，好味，松露汁唔濃，配雲耳同香菇，清清地，唔錯

魚湯米線 朋友推介，要預訂，訂的時候連聽電話的小姐都讚好好味。唔知係咪太細碗 (訂左一鍋，分五碗)，我又食唔出魚的鮮味，不過好在唔口渴，米線彈牙。

砂鍋鮑汁柚皮扣鵝掌花菇 鵝掌我無食，個花菇同柚皮非常入味。花菇望落大大舊，但一口咬落就非常柔軟juicy，柚皮全無澀味，充滿水份，讚

甜品 中式甜品，我照例點蛋白杏仁茶湯丸，杏仁茶甜度適中，但稀左d。朋友話富貴長春露太甜((左下)，其餘兩個都唔錯